Post News Media ព័ត៌មានសេដ្ឋកិច្ច ១១ខែដើមឆ្នាំ ...

១១ខែដើមឆ្នាំ កម្ពុជា នាំចេញអង្ករជាង ៥.៦សែនតោន

គិតត្រឹម ១១ខែ ដើមឆ្នាំ ២០១៧ កម្ពុជា បាននាំអង្ករចេញប្រមាណជាង ៥.៦សែនតោន ទៅកាន់ទីផ្សារអន្តរជាតិចំនួន ៥០ប្រទេស កើនឡើងប្រមាណ ១៧ភាគរយ ធៀបនឹងពេលដូចគ្នា កាលពីឆ្នាំមុន។ នេះបើយោងតាម របាយការណ៍អំពីស្ថានភាពនៃការនាំចេញអង្ករកម្ពុជា ប្រចាំខែ វិច្ឆិកា ឆ្នាំ២០១៧ ចេញផ្សាយកាលពីពេលថ្មីៗនេះ។

ចិន ជាទីផ្សារធំជាងគេនៅកម្ពុជា ទិញអង្ករជិត ១៦ម៉ឺនតោន រីឯបារាំង ជាទីផ្សារធំទី ២ ទិញអង្ករជាង ៧ម៉ឺនតោន និងប៉ូឡូញ ទិញ ៤.១ម៉ឺនតោន។

អង្ករកម្ពុជា បានជាប់នៅក្នុងចំណាត់ថ្នាក់កំពូលទាំង ៣ ជាអង្ករល្អបំផុតលើពិភពលោក ប្រចាំឆ្នាំ ២០១៧ ខណ:អង្ករថៃ ជាប់លេខ ១ ក្នុងឆ្នាំនេះ។

អង្ករកម្ពុជា ធ្លាប់បានទទួលជ័យលាភីអង្ករល្អបំផុតលើពិភពលោក ៣ឆ្នាំជាប់ៗគ្នា ២០១២ ២០១៣ និង ២០១៤ ហើយសម្រាប់ឆ្នាំនេះ ក្នុងការប្រកួតជ្រើសរើសអង្ករល្អបំផុតលើពិភពលោក អង្ករកម្ពុជា បានជាប់ចំណាត់ថ្នាក់លេខ ២ ខណ:អង្ករថៃ ជាជ័យលាភីលេខ ១ និងលេខ ៣ បានទៅប្រទេសវៀតណាម។

កាលពីឆ្នាំ ២០១៦ កម្ពុជា នាំអង្ករចេញជាង ៥.៤សែនតោន ទៅកាន់ ៦៥ប្រទេសទូទាំងពិភពលោក។

តាមការសន្និដ្ឋាន បរិមាណអង្ករនាំចេញ មានការកើនឡើងនេះ ជាសញ្ញាល្អ ដើម្បីសម្រេចនូវគោលដៅរំពឹងទុករបស់រាជរដ្ឋាភិបាល ក្នុងការនាំចេញអង្ករឲ្យទទួលបានជោគជ័យ៕

Loading...