Post News Media ព័ត៌មានសេដ្ឋកិច្ច រដ្ឋ នឹងបង្កើ...

រដ្ឋ នឹងបង្កើតធនាគារថ្មី ខ្នាតតូចនិងមធ្យម ជាមួយទឹកប្រាក់ប្រមាណ ១០០លានដុល្លារ

នៅថ្ងៃនេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានឲ្យដឹងថា រាជរដ្ឋាភិបាល នឹងបង្កើតធនាគារខ្នាតតូចនិងមធ្យម ដែលមានគម្រោងទឹកប្រាក់ប្រមាណ ១០០លានដុល្លារ សម្រាប់ជួយក្រុមហ៊ុនតូច និងមធ្យមឲ្យមានសមត្ថភាព និងលទ្ធភាពផលិត និងកែឆ្នៃវត្ថុធាតុដើមក្នុងស្រុក ឲ្យកាន់តែមានគុណភាព និងតម្លៃខ្ពស់ សម្រាប់នាំចេញទៅទីផ្សារបរទេស។

ធនាគារថ្មីនេះ នឹងចូលរួមដោះស្រាយបញ្ហាប្រឈមនានា ការប្រកួតប្រជែង លើទីផ្សារ និងសម្រាប់ផ្តល់ការងារដល់ពលរដ្ឋប្រមាណពី ២៥ម៉ឺននាក់ទៅ ៣០ម៉ឺននាក់។

កម្ពុជា ត្រូវតែរៀនរស់ និងដកដង្ហើមដោយខ្លួនឯង ដូច្នេះការបង្កើតធនាគារនេះ គឺនឹងជួយពង្រឹងសេដ្ឋកិច្ចជាតិយើងឲ្យកាន់តែរឹងមាំ និងពលរដ្ឋមានការងារធ្វើ៕

Loading...