ព័ត៌មានសុខភាព

កត្តា៥យ៉ាង ដែលបំផ្លាញតម្រង់នោមមនុស្ស ប៉ុន្តែអ្នកនៅតែប្រព្រឹត្ត

មានសារធាតុជាច្រើន ដែលអាចបំផ្លាញតម្រង់នោមរបស់មនុស្សដូចជា ថ្នាំបំបាត់ការឈឺចាប់ គ្រឿងស្រវឹង ហើយជាពិសេសសូម្បីតែការថតស្កេនសរីរាង្គដោយប្រើម៉ាស៊ីន MRI ក៏អាចធ្វើឲ្យតម្រងនោមរបស់អ្នកមានបញ្ហាផងដែរ។ យោងតាមគេហទំព័រ boldsky បានបញ្ជាក់អំពីសារធាតុ ៧យ៉ាងដូចខាងក្រោម ​ដែលបំផ្លាញតម្រង់នោមរបស់អ្នក៖

ថ្នាំផ្សះ
ថ្នាំផ្សះ ភាគច្រើនមិនត្រូវបានអនុញ្ញាតឱ្យប្រើប្រាស់អ្នកជំងឺតម្រងនោម ព្រោះវាប៉ះពាល់ដល់តម្រងនោមរបស់អ្នកយ៉ាងខ្លាំង។ ប្រសិនបើអ្នកត្រូវការប្រើថ្នាំផ្សះជាចាំបាច់ អ្នកគួរតែជ្រើសរើសយកឱសថធម្មជាតិ ដែលអាចជំនួសថ្នាំពេទ្យ។

ការថតស្កេនសេរីរាង្គ
ការធ្វើតេស្តថតស្កេនសេរីរាង្គមួយចំនួន គឺមិនមែនមានសុវត្ថិភាពទាំងអស់នោះទេ។ ជាក់ស្តែង ថតស្កេនសេរីរាង្គដោយប្រើម៉ាស៊ីន MRI ព្រោះឧបករណ៍មួយនេះ ត្រូវការប្រើសារធាតុដែលគេស្គាល់ថាជាថ្នាំគីមីដែលប៉ះពាល់ដល់តម្រងនោមរបស់អ្នកយ៉ាងខ្លាំង។

ថ្នាំបំបាត់ការឈឺចាប់
ថ្នាំបំបាត់ការឈឺចាប់ ភាគច្រើន គឺមិនល្អសម្រាប់តម្រងនោមរបស់អ្នកឡើយ។ ដូចនេះអ្នកត្រូវ តែពីគ្រោះជាមួយគ្រូពេទ្យជាមុនសិន​ មុនពេលប្រើប្រាស់ថ្នាំបំបាត់ការឈឺចាប់ណាមួយ ដើម្បីការខូចតម្រងនោមដោយសារថ្នាំទាំងនោះ។

គ្រឿងស្រវឹង
គ្រឿងស្រវឹង មិនមែនត្រឹមតែបង្កបញ្ហាដល់ ថ្លើមមួយមុខគត់នោះទេ។ ប្រសិនបើអ្នកផឹកច្រើនពេក សូម្បីតែតម្រងនោមរបស់អ្នក ក៏ទទួលរងទារុណកម្មផងដែរ ព្រោះការផឹកស្រាច្រើន បណ្តាលឲ្យតម្រងនោម បាត់បង់ប្រសិទ្ធិភាព ក្នុងចម្រោះជាតិពុលក្នុងឈាម ដែលជាហេតុធ្វើឲ្យមនុស្សប្រឈមគ្រោះថ្នាក់ដល់ជីវិត។

ថ្នាំបញ្ចុះលាមក
ថ្នាំបញ្ចុះលាមក ភាគច្រើនបង្កគ្រោះថ្នាក់បំផុតដល់តម្រងនោម ព្រោះវាអាចបណ្តាលឲ្យតម្រងនោម រងរបួស។ ដូចនេះអ្នកគួរតែ វាជាការល្អប្រសើរជាង ប្រសិនអ្នកអាចប្រើឱសថធម្មជាតិ ដើម្បីសំអាតពោះវៀនរបស់អ្នក៕

មតិយោបល់