ព័ត៌មានសុខភាព

ចង់បំបាត់ការឈឺចាប់៧យ៉ាងនេះ ត្រូវតែប្តូរឥរិយាបថនៃការគេងរបស់អ្នកឲ្យបានឆាប់

ការទទួលទានដំណេដើរតួនាទីយ៉ាងសំខាន់ខ្លាំងណាស់សម្រាប់សុខភាព។ ជាទូទៅ មនុស្សដែលមានអាយុ ២៥ឆ្នាំចុះក្រោម ត្រូវការគេង៧-៩ម៉ោងក្នុងមួយយប់។ លើសពីនេះទៅទៀត ឥរិយាបថក្នុងការគេង មានឥទិ្ធពលបំផុតចំពោះរាងកាយ ដូចជាសម្ពាធឈាម ការឆ្លងមេរោគ និងជំងឺដទៃទៀតជាច្រើន។ ដូច្នេះប្រសិនបើអ្នកចង់ជាឆាប់ជាសះស្បើយ ពីជំងឺ៩យ៉ាងដូចខាងក្រោមនេះ អ្នកអាចសាកល្បងឥរិយាបថគេងទាំង៩យ៉ាងដូចខាងក្រោមនេះដែរ៖

១.ឈឺស្មា
បើយោងតាមទស្សនាវដ្តីសុខភាពស្រ្តី បញ្ជាក់ថាការឈឺស្មា អាចព្យាបាលដោយការគេង ទៅខាងដែលមិនឈឺចាប់ ហើយអង្គុញជើង ដោយយកខ្នើយកល់ដើមទ្រូង និងដាក់ខ្នើយមួយផ្សេងទៀតនៅចន្លោះជង្គង់របស់អ្នក។

២.ឈឺខ្នង
យោងតាមគេហទំព័រ WebMD បានឲ្យដឹងថាអ្នកជំងឺឈឺខ្នង គួរតែគេងឲ្យត្រង់ខ្លួន ហើយដាក់ខ្នើយពីក្រោមជង្គង់ និងមូរកន្សែងធំល្មមមួយ មកកល់ក្រោមខ្នងរបស់អ្នក។

៣.ឈឺក្បាល
អ្នកជំនាញសុខភាពរបស់គេហទំព័រ hub-health បានប្រាប់ថាអាការ:ឈឺក្បាលប្រចាំថ្ងៃមួយចំនួន បណ្តាលមកពីការគេងដោយមិនត្រង់ក។ ដូចនេះអ្នកគួរតែ ដាក់ខ្នើយនៅជុំវិញក្បាលរបស់អ្នក ដើម្បីការពារវាកុំឲ្យងាកនៅពេលអ្នកគេងលក់។

៤.សម្ពាធ​ឈាម​ខ្ពស់
សាកលវិទ្យាល័យវេជ្ជសាស្ត្រ Ehime បានចេញរបាយការណ៍មួយឲ្យដឹងថា កត្តាមួយចំនួនធំដែលធ្វើឲ្យឡើងសម្ពាធឈាម គឺបណ្តាលមកពីឥរិយាបថក្នុងការគេងមិនបានត្រឹមត្រូវ។ ដូចនេះចំពោះអ្នកជំងឺលើសឈាម ដែលចង់បញ្ចុះសម្ពាធឈាម ឬរក្សាសម្ពាធឈាមឲ្យនឹងនរល្អ ចូលសាកល្បងគេងផ្តាប់មុខ។

៥.ឈឺ-ក
ប្រសិនបើអ្នកទទួលរងការឈឺចាប់ត្រង់ក អ្នកគួរតែយកមូរកន្សែងតូមល្មមមួយ មកដាក់ក្រោម-ក
ពីលើខ្នើយដែលអ្នកកើយប្រចាំថ្ងៃ នេះបើយោងតាមគេហទំព័រ PainPhysicians ។

៦.បញ្ហាការរំលាយអាហារ
យោងតាមគេហទំព័រ SkinSheen បានណែនាំឱ្យអ្នកគេង បែរខ្លួនទៅខាងឆ្វេង ព្រោះអាចធ្វើឲ្យ ក្រពះដែលជាសរីរាង្គដែលស្ថិតនៅផ្នែកខាងឆ្វេងដៃ ក្នុងរាងកាយរបស់មនុស្ស ដំណើរការរំលាយអាហារបានល្អ។

៧.ក្រហាយទ្រូង
យោងតាមគេហទំព័រ WebMD ការក្រហាយទ្រូងអាច ព្យាបាលតាមវិធីល្អបំផុត គឺការគេងឲ្យត្រង់ ហើយបែរខ្លួនទៅខាងឆ្វេងដៃរបស់អ្នក៕

មតិយោបល់