Post News Media ព័ត៌មានសុខភាព ស្ត្រីដែលមានអ...

ស្ត្រីដែលមានអាយុ១៦ ទៅ ៣០ឆ្នាំ សូមប្រយ័ត្នជំងឺមហារីកមាត់ស្បូន

តាមរបាយការណ៍ដែលចេញផ្សាយថ្មីៗនេះបានឲ្យដឹងថា តួលេខស្ត្រីមានអាយុចន្លោះចាប់ពី ១៦ទៅ៣០ឆ្នាំ ឆ្លងវីរុស Human Papilloma Virus (PHV) មានចំនួនច្រើនបំផុត ដែលបង្កើនហានិភ័យនៃជំងឺមហារីកមាត់ស្បូន។ ការស្រាវជ្រាវបានវិភាគទៅលើជំងឺមហារីកមាត់ស្បូន រសប់ស្ត្រីដែលមានអាយុ ១៦ ដល់ ៣០ឆ្នាំ បានរកឃើញឆ្លងវីរុស HPV ចំនួន១៤ភាគរយ បន្ទាប់មកគឺក្រុមនុស្សស្រីដែលមានអាយុ ៦១ទៅ៨៥ឆ្នាំ ឆ្លងវីរុសនេះ ៨,៣៩ភាគរយ។

ស្ត្រីចំនួន ៣,០០០នាក់នៅប្រទេសឥណ្ឌាត្រូវបានគេធ្វើតេស្តកាលពីឆ្នាំ ២០១៣ ដល់ឆ្នាំ ២០១៧ បានបង្ហាញថា ស្ត្រីសរុបចំនួន ៨,០៤ភាគរយ បានឆ្លងវីរុស HPV ដែលមានហានិភ័យកើតជំងឺមហារីកមាត់ស្បូន កម្រិតខ្ពស់។ អ្នកជំនាញបានរកឃើញទៀថា ស្ត្រីដែលរស់នៅភាគខាងលិចប្រទេសឥណ្ឌា មានការឆ្លងវីរុស HPV ខ្ពស់ជាងស្ត្រីដែលរស់នៅតំបន់ផ្សេងៗទៀត។

ទន្ទឹមនឹងនេះផងដែរ ប្រទេសឥណ្ឌាមានជិត១ភាគ៣នៃការស្លាប់ដោយសារជំងឺមហារីកមាត់ស្បូន បើប្រើធៀបជាមួយនឹងស្ត្រីនៅទូទាំងពិភពលោក ដោយមានករណីថ្មីចំនួន ១,៣២,០០០ករណីត្រូវបានគេធ្វើរោគវិនិច្ឆ័យឃើញ និង ៧៤,០០០នាក់ទៀតបានស្លាប់ជារៀងរាល់ឆ្នាំ។ បន្ទាប់ពីមហារីកសុដន់ ជំងឺមហារីកមាត់ស្បូនត្រូវបានគេចាត់ទុកជាមូលហេតុទី២នៃការស្លាប់ក្នុងប្រទេសនេះ។

មានចំនួន ១៧ភាគរយនៃមរណភាពដោយសារជំងឺមហារីកក្នុងចំណោមស្ត្រីចន្លោះអាយុពី ៣០ទៅ៦៩ឆ្នាំ ដែលមានអាយុជាមធ្យមគឺ ៣៨ឆ្នាំ។ របាយការណ៍វិភាគបានបង្ហាញថា ប្រទេសឥណ្ឌាជាប់ចំណាត់ថ្នាក់ខ្ពស់ជាងគេបំផុត ក្នុងអត្រាកើតជំងឺមហារីកមាត់ស្បូននៅអាស៊ីខាងត្បូង មាន២២ភាគយ ក្នុងចំណោមប្រជាជន ១០០,០០០នាក់។

ទោះបីជាជំងឺមហារីកស្បូនភាគច្រើនកើតមានចំពោះមនុស្សស្រីនៅប្រទេសឥណ្ឌាក៏ដោយ ក៏ប៉ុន្តែស្ត្រីដែលរស់នៅបណ្តោលប្រទេសផ្សេងៗទៀតក៏ត្រូវតែមានការប្រុងប្រយ័ត្នដូចគ្នាដែរ៕

ប្រភព៖ thehealthsite

Loading...