Post News Media ព័ត៌មានសុខភាព ទោះឆ្ងាញ់យ៉ាង...

ទោះឆ្ងាញ់យ៉ាងណាក៏ដោយ បើអាចកុំទទួលទានគ្រឿងក្នុងជ្រូកច្រើនពេក

គ្រឿងក្នុងជ្រូក ត្រូវបានគេចាត់ទុកជាអាហារដែលមានរស់ជាឆ្ងាញ់ ហើយអ្នកណាៗក៏ចូលចិត្តទទួលទានដែរ។ ក៏ប៉ុន្តែ អ្នករាល់គ្នាប្រហែលជាមិនទាន់ដឹងទេថា គ្រឿងក្នុងជ្រូកមានផ្ទុកសារធាតុពុលច្រើន ដែលអាចបង្កឲ្យមានគ្រោះថ្នាក់ដល់សុខភាព ប្រសិនបើទទួលទានច្រើនពេក។ ខាងក្រោមនេះ គឺជាហេតុផលដែលអ្នកគួរតែកាត់បន្ថយការទទួលទានគ្រឿងក្នុងជ្រូក៖

ថ្លើម
ថ្លើម គឺជាផ្នែកមួយនៃការរំលាយអាហារ និងកម្ចាត់ជាតិពុលពីរាងកាយរបស់ជ្រូក ដូច្នេះវានឹងប្រមូលផ្តុំទៅដោយជាតិពុល។ ក្រៅពីជាតិពុល វាក៏មានផ្ទុកមេរោគ និងប៉ារ៉ាស៊ីតមួយចំនួន ដែលធ្វើឲ្យប៉ះពាល់ដល់សុខភាព។

ដើម្បីកាត់បន្ថយជាតិពុល មុននឹងយកទៅចម្អិនអ្នកគួរតែត្រាំថ្លើមជ្រូក នៅក្នុងទឹកដោះគោស្រស់ចំនួន ៣០នាទី។ តែបើទោះបីជាវិធីមួយនេះ មិនអាចកម្ចាត់អស់ទាំងស្រុងនោះទេ ហេតុនេះសូមកាត់បន្ថយការទទួលទានថ្លើមជ្រូក តាមដែលអាចធ្វើទៅបាន។

បេះដូង និងសួត
សរីរាង្គទាំងនេះ ក៏ដូចជាសរីរាង្គជ្រូកដទៃទៀត ដែលសម្បូរទៅដោយប្រូតេអ៊ីន និង កូលេស្តេរ៉ុលខ្ពស់ដែរ។ ចំពោះអ្នកដែលមានជំងឺសរសៃឈាមបេះដូង ទឹកនោមផ្អែម កូលេស្តេរ៉ុលក្នុសរសៃឈាម និងបញ្ហាមេតាប៉ូលិស នៅពេលដែលទទួលញឹកញាប់ អាចបណ្តោលឲ្យជំងឺវិវត្តកាន់តែធ្ងន់ធ្ងរ។

ក្រពះ និងពោះវៀន
សរីរាង្គទាំងពីរនេះមិនត្រឹមតែជាកន្លែងផ្ទុកកាកសំណល់ពុលប៉ុណ្ណោះទេ វាក៏មានផ្ទុកមេរោគ និងបាក់តេរី ដែលអាចបណ្តោលឲ្យរាគ កើតជំងឺអាសន្នរោគ គ្រុនពោះវៀន…។

ការញ៉ាំសរីរាង្គទាំងនេះ ច្រើនពេក ក៏ជាបុព្វហេតុនៃជំងឺធ្ងន់ធ្ងរមួយចំនួនទៀតដូចជា រលាកលំពែង ខ្លាញ់ក្នុងថ្លើម និងធាត់លើសទម្ងន់ជាដើម។
អាស្រ័យដូចដែលបានបង្ហាញពីខាងលើ អ្នកគួរតែព្យាយាមកាត់បន្ថយការទទួលទានគ្រឿងក្នុងជ្រូក ចាប់ពីថ្ងៃនេះ៕

ដកស្រង់ពី៖ soha

Loading...