ទំនាយជោគវាសនាស្តេចថៃថ្មី ក្រោយឡើងគ្រងរាជ្យ

ក្រោយព្រះមហាក្សត្រថៃរជ្ជកាលទី ៩ ព្រះបាទ ភូមិផុន អាឌុនយ៉ាដេត បានចូលទីវង្គត់ ព្រះអង្គត្រូវបានគេចារទុកនៅក្នុង កំណត់ហេតុវិរ:បុរសថៃ បន្ដមកត្រូវស្នងរាជសម្បតិ្តដោយព្រះឱរស ព្រះអង្គតែមួយនេះគឺ ព្រះសម្ដេច សុធិតា មហាវិច្ឆិរាឡុងកន ជាអង្គក្សត្រ រាមាទី ១០ ក្នុងនោះដែរ អ្នកលេងបណ្ដាញសង្គមបានលើកឡើងពីទំនាយរបស់សម្ដេចព្រះហោរាធិបតី ដែលជាហោរាសម័យរាជ្ជកាលទី១ ដែលបានទាយទុកមុនពី រជ្ជកាលទី ១០ ។

ពាក្យព្យាករណ៍របស់សម្តេចហោរាធិបតី ជាហោរាក្នុងរាជកាលទី១ នោះ ជាពាក្យទំនាយ ទាយទុកពី រតន:កូសិនថ៍ ទាំង១២ រជ្ជកាល ក្នុងនោះដែរ បានទាយពីរជ្ជកាលទី ១០ ស្ដេចរាមា ថា ៖ ជាសម័យវិល័យជន ដែលមានការរីកចម្រើន មានភាពសម្បូរសប្បាយ អាចមានការភ្លើតភ្លើន ក៏ប៉ុន្ដែ ជាយុគ្គសម័យដែល ព្រះពុទ្ធសាសនា មានការរីកចម្រើនខ្លាំងបំផុត ។

គួរបញ្ជាក់ផងដែរថា ព្រះសម្ដេច មហាវិច្ឆិរាឡុងកន ធ្លាប់ត្រូវបានអ្នកកាសែតបរទេស ផ្ដល់បរមងារថា ស្ដេចអ្នកលេង ព្រោះព្រះអង្គធ្លាប់មានប្រវត្តអាស្រូវច្រើន តែយ៉ាងណាមិញ ព្រះអង្គនៅមានព្រះទ័យស្រលាញ់រាស្រ្ដ នឹង ទឹកដី ៕