ចិន: នៅថ្ងៃអាទិត្យ ជើងហោះហើររាប់រយ ត្រូវបានលុបចោល នៅទីក្រុងកំពង់ផែធានជីន ភាគខាងជើងប្រទេសចិន ដោយសារតែផ្សែងអ័ព្ទខ្លាំងមើលមិនឃើញ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី១ ខែមករា ឆ្នាំ២០១៧។
រដ្ឋាភិបាលក្រុង បានប្រកាសជូនដំណឹងចំពោះផ្សែងអ័ព្ទ និងចេញសញ្ញាពណ៌ទឹកក្រូចព្រមាន កាលពីយប់ថ្ងៃសៅរ៍ ដើម្បីដាស់តឿនឲ្យពលរដ្ឋបានដឹងថាមានការបំពុលកម្រិតធ្ងន់ធ្ងរ។
សរុបចំនួន ៣០៩ ជើងហោះហើរ ត្រូវបានលុបចោល ដោយ ១៥ ជើងហោះហើរ ត្រូវបង្ខំចុះចតនៅព្រលានយន្តហោះផ្សេងទៀត និងជើងហោះហើរមួយទៀត បានត្រឡប់មកវិញនៅម៉ោង ៣ រសៀល។
ការិយាល័យអាកាសធាតុក្នុងតំបន់ បានព្យាករថា ផ្សែងអ័ព្ទនឹងបន្តមានរហូតដល់ថ្ងៃទី៥ ខែមករា ខណ:ដែលអាកាសធាតុត្រជាក់ នៅរាយបាយជាមួយអ័ព្ទបំពុលនេះ៕
មតិយោបល់