រុស្ស៊ី: ការិយាល័យប្រធានាធិបតីរុស្ស៊ី បានប្រាប់អ្នកកាសែតថា កូនៗរបស់អ្នកការទូតរុស្ស៊ី ត្រូវបានទទួលលិខិតអញ្ជើញ ទៅកាន់វិមានក្រឹមឡាំង ដើម្បីធ្វើពីធីអបអរក្នុងឱកាសបុណ្យចូលឆ្នាំសកលថ្មី បន្ទាប់ពីយន្ដហោះដឹកមន្ត្រីទូតរុស្ស៊ី ៣៥នាក់ និងក្រុមគ្រួសាររបស់ពួកគេសរុប ៩៦នាក់ ដែលនឹងធ្វើដំណើរត្រឡប់ទៅស្រុកកំណើតវិញ ក្រោយត្រូវបានបណ្ដេញចេញនៅក្នុងក្របខ័ណ្ឌនៃ ការដាក់ទណ្ឌកម្មរបស់រដ្ឋាភិបាលលោក បារ៉ាក់ អូបាម៉ា ដោយបានចោទប្រកាន់ថា បានជ្រៀតជ្រែតចូលក្នុងកិច្ចការបោះឆ្នោតជ្រើសរើសប្រធានាធិបតីអាមេរិក។នេះបើយោតាមរយ: សារព័ត៌មាន sputnik ចេញផ្សាយនៅថ្ងៃទី០២ ខែមករា ឆ្នាំ២០១៦។
យន្តហោះពិសេសដឹកមន្ត្រីការទូតរុស្ស៊ី ដែលត្រូវបណ្ដេញចេញពីសហរដ្ឋអាមេរិកនេះ បានមកដល់ទីក្រុងក្រុងម៉ូស្គូនៅវេលាម៉ោង ២ និង០៨នាទី (ម៉ោងក្នុងស្រុក) ។
កាលពីថ្ងៃសុក្រប្រធានាធិបតីរុស្ស៊ី លោកវ្ល៉ាឌីមៀរពូទីន បាននិយាយថា វិធានការដាក់ទោសទណ្ឌរបស់លោកអូបាម៉ា គឺជាការបង្កហេតុ ដែលធ្វើប៉ះពាល់ដល់ទំនាក់ទំនងរវាងរុស្ស៊ី-អាមេរិក ហើយលោកក៏មិនប្រើវិធានការនេះ តបទៅអាមេរិកវិញដែរ បើទោះបីរុស្ស៊ីមានសិទ្ធិសម្រេចធ្វើការសងសឹកក៏ដោយ៕
មតិយោបល់