ព័ត៌មានអន្តរជាតិ ព្រឹត្តិការណ៍ សំខាន់ៗ

ហេតុតែជីវិត! ក្មេងស្រីម្នាក់ប្រថុយខ្លួនផ្សងព្រេង តាមវ៉ាលីទោះបីមានការលំបាកយ៉ាងណាក៏ដោយ

អេស្ប៉ាញ: ស្រ្តីម្នាក់ត្រូវបានប៉ូលិសចាប់ខ្លួនពេលព្យាយាមលាក់ក្មេងស្រីជនជាតិអាហ្រ្វិក នៅក្នុងវ៉ាលី ដើម្បីនាំនាងចូលទៅក្នុងទឹកដីប្រទេសអេស្ប៉ាញ។ នេះបើយោងតាមរយ: សារព័ត៌មានCNN ចេញផ្សាយនៅថ្ងៃទី៤ ខែមករា ឆ្នាំ២០១៦។

អាជ្ញាធរបានឃាត់ស្រ្តីវ័យ ២២ ឆ្នាំរូបនេះ កាលពីសប្ដាហ៍មុន នៅតាមច្រកព្រំដែនចូលទីក្រុង Ceuta ប្រទេសអេស្បាញ។

បើតាមឆ្មាំស៊ីវិលអេស្ប៉ាញ បានឲ្យដឹងក្នុងសេចក្តីថ្លែងការណ៍មួយថា ក្មេងស្រីចំណាកស្រុក ដែលត្រូវបានគេរកឃើញ នៅក្នុងវ៉ាលី គឺមកពីប្រទេសហ្គាបុង មានអាយុ ១៩ឆ្នាំ នាងត្រូវបានបុរសម្នាក់ ធ្វើការជួយសង្គ្រោះជាបន្ទាន់ ដោយសារតែកង្វះអុកស៊ីសែន ខណ:ដែលនាងស្ថិតនៅក្នុងវ៉ាលី អំទ្បុងពេលធ្វើដំណើរ។

ការត្រួតពិនិត្យតាមព្រំដែន បានធ្វើទ្បើងក្រោយមានការសង្ស័យលើស្ត្រីម្នាក់ បន្ទាប់ពីនាងបានតោងឥវ៉ាន់ខ្លួន ដោយដឹកនៅលើរទេះមួយ បង្ហាញឥរិយាបថគេចវេះ ខណ:ពេលឆ្លងកាត់កន្លែងត្រួតពិនិត្យ និងមានការភ័យខ្លាច ក្នុងគ្រាដែលនិយាយទៅកាន់ភ្នាក់ងារ៕

មតិយោបល់