ព័ត៌មានអន្តរជាតិ ព្រឹត្តិការណ៍ សំខាន់ៗ

កប៉ាល់នេសាទជាង ២៥.០០០គ្រឿងវិលត្រឡប់មកវិញ មុនពេលព្យុះមកដល់

ចិន: កប៉ាល់នេសាទជាង ២៥.០០០គ្រឿងនៅខេត្តហៃណាន បានវិលត្រឡប់មក កំពង់ផែវិញ មុនពេលមានព្យុះទីហ្វុង Mirinae មកដល់។ នេះបើយោងតាមការចេញផ្សាយដោយ សារព័ត៌មានចិនស៊ិនហួ នៅថ្ងៃទី២៧ កក្កដា ឆ្នាំ២០១៦នេះ។

កប៉ាល់ដឹកអ្នកដំណើរទាំងអស់នៅទូទាំងច្រកសមុទ្រ Qiongzhou Strait រវាងខេត្តហៃណាន និងខេត្ត ក្វាងទុង ត្រូវបានផ្អាកដំណើរការបណ្តោះអាសន្នសិនកាលពីថ្ងៃអង្គារ៍ ដោយសារតែព្យុះទីហ្វុងនេះ នឹងនាំ​មក​នូវព្យុះភ្លៀងធ្លាក់ខ្លាំង នៅក្នុងខេត្តហៃណាន, ឧបទ្វីប Leizhou, ខេត្តក្វាងទុងនិង​តំបន់ស្វយ័តក្វាង​ស៊ីចុង ​ផងដែរ។

ព្យុះទីហ្វុង Mirinae បានធ្វើឱ្យបាក់ដីនៅភាគខាងត្បូង ខេត្តហៃណាន របស់ប្រទេសចិន កាលពីយប់​ថ្ងៃអង្គារ៍ ស្របពេលដែលមជ្ឈមណ្ឌលឧតុនិយមជាតិ (NMC) បានចេញជូនដំណឹងខៀវជាមុន។

សូមបញ្ជាក់ថា កន្លែងសង្កេតមើលឧតុនិយមខេត្តហៃណានបាននិយាយថា ឈ្មោះ Mirinae គឺជា​ព្យុះ​ទី​ហ្វុង​ទីបីរបស់ប្រទេសចិននៅឆ្នាំនេះ បានមកដល់នៅ Dongao Town ទីក្រុង Wanning នៅម៉ោង ១០និង​២០នាទីរសៀល ដែលវាមានកម្លាំងខ្យល់រហូតដល់ទៅ ១០០,៨គីឡូម៉ែត្រក្នុងមួយម៉ោង៕

fishing vessels in China

មតិយោបល់