ឥណ្ឌូនេស៊ី: ទីភ្នាក់ងារឧតុនិយម និងវិទ្យាសាស្ត្រផែនដី នៅព្រឹកថ្ងៃសៅរិ៍នេះ បាននិយាយថា​ គ្រោះរញ្ជួយដីដ៏មានឥទ្ធិពលខ្លាំងមួយ បានធ្វើឲ្យកក្រើកនៅខេត្ត North Sulawesi ភាគកណ្តាលប្រទេសឥណ្ឌូនេស៊ី ហើយថែ​មទាំងបង្កឲ្យមានសក្តានុពលនៃរលកស៊ូណាមិទៀតផង។ នេះបើយោងតាមរយ: សារព័ត៌មានចិនស៊ិនហួរ ចេញផ្សាយនៅថ្ងៃទី២៩ ខែមេសា ឆ្នាំ២០១៧។

រញ្ជួយដីនេះ បានវាយប្រហារក្នុងកម្រិត ៧,១ ទៅ ៦,៨ រ៉ិចទ័រ ដែលបានបង្កឲ្យមានសញ្ញាព្រមានពីរលកស៊ូណាមិ ដែលវាបានកើតទ្បើងនៅវេលាម៉ោង ៣ និង ២៣ នាទីព្រឹក (ម៉ោងនៅទីក្រុងហ្សាកាតា) ជាមួយអានុភាពវាយប្រហារ នៅចំណុចកណ្ដាលចម្ងាយ ២៤៦ គីឡូម៉ែត្រពីភាគពាយព្យកោះ Sangihe និងជម្រៅ ៤៨ គីឡូម៉ែត្រ ក្រោមបាតសមុទ្រ ៕