អាមេរិក: រ៉ុក្កែតថ្មីមួយ ឈ្មោះ Falcon Heavy របស់ក្រុមហ៊ុន SpaceX បានបាញ់បង្ហោះកាលពីថ្ងៃអង្គារ ដោយដឹកយករថយន្ត Tesla ពណ៌ក្រហមរបស់នាយកប្រតិបត្តិក្រុមហ៊ុនលោក Elon Musk ទៅរកគន្លងគោចរក្បែរភពព្រះអង្គារ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី៧ ខែកុម្ភ: ឆ្នាំ២០១៨។
វាជាការសាកល្បងលើកដំបូង ដែលធ្វើឡើងនៅឯមណ្ឌល Kennedy Space ក្នុងរដ្ឋផ្លរីដា នៅពេលរ៉ុក្កែតនេះ បានបញ្ឆេះម៉ាស៊ីនចំនួន ២៧ គ្រឿងរបស់វា ហើយហោះឡើងលើមេឃពណ៌ខៀវ នៅលើបន្ទះជើងទម្របាញ់បង្ហោះរបស់ណាសាតែមួយ។
ពាក់ព័ន្ធនឹងបញ្ហានេះ លោក ឡួរ៉ង់ លីយ៉ង់ អ្នកនាំពាក្យរបស់ក្រុមហ៊ុន SpaceX បាននិយាយថា វាជាព្រឹត្តិការណ៍ដ៏អស្ចារ្យ ខណ:សំឡេងទះដៃអបអរលាន់កងរំពងពេញមណ្ឌលគ្រប់គ្រងបេសកកម្ម បន្ទាប់ពីការបាញ់សាកល្បងនេះ ទទួលបានជោគជ័យ៕
មតិយោបល់