Post News Media ព័ត៌មានអន្តរជាតិ លោក មូន៖ អាមេ...

លោក មូន៖ អាមេរិក មានបំណងចង់ពិភាក្សាជាមួយកូរ៉េខាងជើង

កូរ៉េ: ប្រធានាធិបតីកូរ៉េខាងត្បូង លោក មូន ជែអ៊ីន បាននិយាយថា អាមេរិក បានបង្ហាញពីឆន្ទ:របស់ខ្លួន ក្នុងការពិភាក្សាជាមួយកូរ៉េខាងជើង ចំពេលមានសញ្ញាភ្លើងខៀវ អំពីទំនាក់ទំនងរវាងកូរ៉េខាងត្បូង និងកូរ៉េខាងជើង។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១៣ ខែកុម្ភ: ឆ្នាំ២០១៨។

លោក Kim Eui-kyeom អ្នកនាំពាក្យរបស់ប្រធានាធិបតីកូរ៉េខាងត្បូង បានប្រាប់នៅក្នុងសន្និសីទកាសែតមួយថា លោក មូន និយាយថា អាមេរិក បានមើលឃើញពីកិច្ចពិភាក្សា រវាងក្រុងសេអ៊ូល និងក្រុងព្យុងយ៉ាង បានលេចចេញជាភាពវិជ្ជមាន ខណ:ភាគីអាមេរិក ក៏បានបង្ហាញពីបំណងរបស់ខ្លួន ដើម្បីចរចាជាមួយកូរ៉េខាងជើងផងដែរ។

យ៉ាងណាមិញប្រព័ន្ធផ្សព្វផ្សាយរដ្ឋកូរ៉េខាងជើង បានឲ្យដឹងនៅថ្ងៃអង្គារនេះថា មេដឹកនាំកំពូលកូរ៉េខាងជើង លោក គីម ជុងអ៊ុន បាននិយាយថា វាពិតជាមានសារ:សំខាន់ខ្លាំងណាស់ ក្នុងការជំរុញស្ថានការណ៍ដ៏ក្តៅគគុក ឲ្យក្លាយទៅជាការផ្សះផ្សា និងការសន្ទនាគ្នា នៅលើឧបទ្វីបកូរ៉េ៕

Loading...