Post News Media ព័ត៌មានអន្តរជាតិ កូរ៉េខាងជើង ផ...

កូរ៉េខាងជើង ផ្អាកការរុះរើទីតាំងសាកល្បងមីស៊ីល

កូរ៉េ: តាមរូបភាពរបស់ផ្កាយរណប កាលពីសប្ដាហ៍មុន បានបង្ហាញថា កូរ៉េខាងជើង បានផ្អាកការរុះរើទីតាំងសាកល្បងមីស៊ីល នៅដើមខែសីហានេះ បើទោះបីជាមានការសន្យាមួយ ចំពោះប្រធានាធិបតីអាមេរិក លោក ដូណាល់ ត្រាំ នៅឯកិច្ចប្រជុំកំពូល នាខែមិថុនាក៏ដោយ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៣ ខែសីហា ឆ្នាំ២០១៨។

តាមរយ:គម្រោង 38 North បាននិយាយថា រូបភាពផ្កាយរណបពាណិជ្ជកម្ម នៃស្ថានីយ៍បាញ់បង្ហោះផ្កាយរណប Sohae ដែលបានធ្វើទ្បើង កាលពីថ្ងៃទី១៦ ខែសីហា បានបង្ហាញថា មិនមានសកម្មភាពរុះរើសំខាន់ៗទេ នៅទីតាំងសាកល្បងម៉ាស៊ីន ឬកន្លែងដំណើរការកម្មវិធីអាវុធរបស់កូរ៉េខាងជើង ចាប់តាំងពីថ្ងៃទី៣ ខែសីហាកន្លងមក។

ពាក់ព័ន្ធនឹងបញ្ហានេះ លោក Mike Pompeo រដ្ឋមន្ត្រីក្រសួងការពារជាតិអាមេរិក បាននិយាយកាលពីខែមុនថា របាយការណ៍ដែលថាកូរ៉េខាងជើង បានចាប់ផ្តើមរុះរើកន្លែងនៅ Sohae គឺស្របជាមួយនឹងការប្តេជ្ញាចិត្តរបស់មេដឹកនាំកូរ៉េខាងជើង លោក គីម ជុងអ៊ុន បានធ្វើនៅឯកិច្ចប្រជុំកំពូលមួយ ជាមួយលោក ត្រាំ នៅប្រទេសសិង្ហបុរី កាលពីថ្ងៃទី១២ ខែមិថុនា។

ប្រភពដដែលបានបន្ថែមថា ការរីកចម្រើនគួរឲ្យកត់សម្គាល់ ក្នុងការទម្លាក់ចោលនូវការធ្វើតេស្តអាវុធ ត្រូវបានធ្វើឡើងចាប់ពីខែកក្កដា ដល់ដើមខែសីហា ប៉ុន្តែសមាសធាតុជាច្រើន ដែលទាក់ទងនឹងការផលិតអាវុធពីមុននោះ ពុំត្រូវបានធ្វើការបំផ្លាញចោលដូច ការប្តេជ្ញាចិត្តរបស់កូរ៉េខាងជើងនោះទេ។

ដោយមកទល់ពេលនេះ បានធ្វើឲ្យមានការសង្ស័យជាច្រើន អំពីឆន្ទ:របស់ក្រុងព្យុងយ៉ាង ចំពោះការចូលរួម ជាមួយការទាមទាររបស់អាមេរិក ដើម្បីឲ្យរបបមួយនេះ បោះបង់ចោលអាវុធនុយក្លេអ៊ែររបស់ខ្លួន៕

Loading...