ព័ត៌មានជាតិ

ឃាត់ខ្លួនយុវជន៤នាក់ ប្រើប្រាស់គ្រឿងញៀនដកហូតបានស៊ាំម៉ូរ៉ៃ១ដើម

ភ្នំពេញ: ភ្នាក់ងារ Post News បានរាយការណ៍មកថា សមត្ថកិច្ចឃាត់ខ្លួនជនសង្ស័យ៤នាក់ ពាក់ពន្ធ័នឹងករណីប្រើប្រាស់គ្រឿងញៀន និងចាប់យកដាវស៊ាំម៉ូរ៉ៃ១ដើម។

ការចាប់ខ្លួននេះបានធ្វើឡើងកាលពីវេលាម៉ោង១២និង៣០នាទី ថ្ងៃត្រង់ទី២៩ ខែមេសា ឆ្នាំ២០១៧ នៅចំណុចបន្ទប់ជួល ភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យទាំង៤នាក់ ទី១មានឈ្មោះ ឃុន វាសនា ភេទប្រុស អាយុ២៨ឆ្នាំ មុខរបរនិងស្នាក់នៅមិនពិតប្រាកដ,ទី២ឈ្មោះ ញ៉ែម ដាវីដ ភេទប្រុស អាយុ២៦ឆ្នាំ មុខរបរមិនពិត ស្នាក់នៅភូមិទឹកថ្លា សង្កត់ទឹកថ្លា ខណ្ឌសែនសុខ,ទី៣ឈ្មោះ ឆា សុខណេត ភេទប្រុស អាយុ២០ឆ្នាំ បច្ចុប្បន្នស្នាក់នៅបន្ទប់ជួលខាងលើ មានស្រុកកំណើតភូមិពាមឈើកង ឃុំពាមឈើកងស្រុកកងមាស ខេត្តកំពង់ចាម និងទី៤ឈ្មោះ រិទ្ធ ឧត្តម ភេទប្រុស អាយុ២២ឆ្នាំ មុខរបរមិនពិតប្រាកដស្នាក់នៅភូមិបុរីកម្មករ សង្កាត់ទឹកថ្លា ខណ្ឌសែនសុខ។

ប្រភពពីសមត្ថកិច្ចបានបន្តទៀតថា មុននិងឃាត់ខ្លួនជនសង្ស័យទាំង៤នាក់ខាងលើនេះ គឺសមត្ថកិច្ចបានប្រើប្រាស់កម្លាំងសម្ងាត់និងធ្វើតាមដានស្រាវជ្រាវ ហើយបានសុំគោលការណ៍ពីលោកព្រះរាជអាជ្ញារងដើម្បីធ្វើការឆែកឆេរបន្ទប់ជួលខាងលើ ទើបឃាត់ខ្លួនបានពួកគេទាំង៤នាក់និងដាវស៊ាំម៉ូរ៉ៃ១ដើមសម្ភារ:ប្រើប្រាស់មួយចំនួន ហើយយកមកសាកសួរនៅអធិការដ្ឋាននគរបាលខណ្ឌសែនសុខដើម្បីកសាងសំណុំរឿងបញ្ជួនទៅសាលាដំបូងរាជធានីភ្នំពេញចាត់ការបន្តតាមនីតិវិធីច្បាប់៕

មតិយោបល់