ព័ត៌មានជាតិ

បុរសម្នាក់ បើកត្រាក់ទ័រព្យួរដី ស្រាប់តែប្រទះឃើញអាវុធនិងវិទ្យុទាក់ទងមួយចំនួនធំ

កំពង់ស្ពឺ: លោកអធិការស្រុកភ្នំស្រួច បានប្រាប់Post News ថា មានការប្រទះឃើញអាវុធរួមនឹងវិទ្យុទាក់ទងមួយចំនួនធំ កប់ក្នុងដី បន្ទាប់ពីបុរសម្នាក់បានបើកត្រាក់ទ័រភ្ជួរដីរបស់ខ្លួន។

ការប្រទះឃើញនេះ បានកើតឡើងកាលពីវេលាម៉ោង៤ និង២០នាទី ថ្ងៃទី២៩ ខែមេសា ឆ្នាំ២០១៧ ស្ថិតនៅចំណុច ទំនប់អូរតាអាំ ភូមិត្រពាំងខ្លុង ឃុំដំបូករូង ស្រុកភ្នំស្រួច ខេត្តកំពង់ស្ពឺ។

បុរសដែលប្រទះឃើញខាងលើនេះមានឈ្មោះ ស៊ីម គា ភេទប្រុស អាយុ៣៣ឆ្នាំ ស្នាក់នៅភូមិមានជ័យ ឃុំដំបូករូង ស្រុកភ្នំស្រួច ខេត្តកំពង់ស្ពឺ។

អាវុធដែលបុរសខាងលើ បានប្រទះឃើញរួមមាន៖ អាវុធម៉ាក OPINO ចំនួន២ ដើម មានគ្រាប់ចំនួន២៥៣ គ្រាប់, អាវុធ ១២.៧ mm ចំនួន១ដើម ,អាវុធ B៤១ ចំនួន៣ដើម, អាវុធB៤០ ចំនួន២ដើម , អាវុធCKC ចំនួន១ ដើម, អាវុធ M១៦ ចំនួន១ដើម រួមនឹងវិទ្យុទាក់ទង T២៥ ចំនួន១គ្រឿង។

បច្ចុប្បន្នវត្ថុតាងទាំងអស់ខាងលើ ត្រូវបានសមត្ថកិច្ចយកមករក្សាទុកដើម្បីចាត់ការបន្តទៀត៕

មតិយោបល់