កំពង់ឆ្នាំង: កម្លាំងការិយាល័យបង្ក្រាបគ្រឿងញៀនខេត្តសហការជាមួយកម្លាំងជំនាញស្រុក ចុះបង្ក្រាប ករណីជួញដូរចែកចាយប្រើប្រាស់សាធាតុញៀន។

ហេតុការណ៍នេះកើតឡើងនៅថ្ងៃទី២០ ខែមិថុនា ឆ្នាំ២០១៧​ នៅចំណុចទីតាំងចំនួន៤កន្លែងផ្សេងៗគ្នា ស្រុករលាប្អៀរ ២ កន្លែង និងស្រុកបរិបូណ៍ ២ កន្លែង។

តាមប្រភពព័ត៌មានបានឱ្យដឹងថា កម្លាំងការិយាល័យបង្ក្រាបគ្រឿងញៀនខេត្តសហការជាមួយកម្លាំងជំនាញស្រុក ចុះបង្ក្រាប ករណីជួញដូរចែកចាយប្រើប្រាស់សាធាតុញៀនចំនួន៤កន្លែងផ្សេងៗគ្នា នៅស្រុករលាប្អៀរ ២កន្លែង និងស្រុកបរិបូណ៍ ២កន្លែង។

តាមប្រភពដដែលបន្តថា ជាលទ្ធផល ឃាត់ខ្លួនបាន ១៤ នាក់ (ជួញដូរ ៧នាក់ ប្រុស) ហើយដកហូតវត្ថុតាងដូចជា ថ្នាំម៉ាទឹកកក ១៨ កញ្ចប់ (ធំ ១ កញ្ចប់) ទូរស័ព្ទដៃ ១១ គ្រឿង (ខូច ៣ គ្រឿង) កាំបិត ៧ ដើម ជំពុះទង់ ១ ដើម ដាវ ១ ដើម ម៉ូតូ ៥ គ្រឿង សម្ភារ:និងឧបករណ៍ជក់មួយចំនួនទៀត។

បច្ចុប្បន្នជនទាំង១៤នាក់ត្រូវបានឃាត់ខ្លួននិងកសាងសំណុំរឿងដើម្បីចាត់ការតាមនិតិវិធីច្បាប់៕