កំពង់ស្ពឺ: លោកអធិការស្រុកភ្នំស្រួច បានប្រាប់Post News ថា នៅវេលាម៉ោង៧ និង៣០នាទីព្រឹក ថ្ងៃទី៨ ខែតុលា ឆ្នាំ២០១៧ កម្លាំងជំនាញបានចុះពិនិត្យសាកសព ស្រ្តីម្នាក់ដែលត្រូវរន្ទះបាញ់ កាលពីវេលាម៉ោង១ និង២០នាទីរសៀល ថ្ងៃទី៧ ខែតុលា ឆ្នាំ២០១៧ ត្រង់ចំណុចភូមិស្រល់ ត្រែងត្រយឹង ស្រុកភ្នំស្រួច ខេត្តកំពង់ស្ពឺ។

ជនរងគ្រោះមានឈ្មោះ អ៊ុក រ៉ែន ភេទស្រី អាយុ៥០ឆ្នាំ និងប្តីឈ្មោះ ហ៊ុង ទ្រឹង អាយុ៤៧ឆ្នាំ មានស្រុកកំណើតភូមិស្មៅ ឃុំត្រពាំងសាប ស្រុកបាទី ខេត្តតាកែវ បច្ចុប្បន្ន្នសា្នក់នៅភូមិស្រល់ ឃុំត្រែងត្រយឹង ស្រុកភ្នំស្រួច ទៅស៊ីឈ្នួលគាស់គាល់ព្រិចក៏មានភ្លៀងធ្លាក់ខ្លាំង ក្រោយមក២នាក់ប្តីប្រពន្ធក៏ដើរត្រឡប់មកផ្ទះវិញ មកដល់ខាងលិចផ្ទះប្រហែលចម្ងាយជាង២០ម៉ែត្រ ត្រូវរន្ទះបាញ់
ឆេះរោលពេញដងខ្លួនបណ្តាលឲស្លាប់។

តាមធ្វើការពិនិត្យលើសាកសពជនរងគ្រោះពិតជាត្រូវរន្ទះបាញ់ពិតប្រាកដមែន។
ករណីខាងលើសមត្ថកិច្ចបានធ្វើកំណត់ហេតុ និងប្រគល់សាកសពជូនទៅក្រុមគ្រួសារជនរងគ្រោះយកទៅធ្វើបុណ្យតាមប្រពៃណី៕