ព័ត៌មានជាតិ

ប្តីប្រពន្ធមួយគូ ជិះម៉ូតូរវល់តែឈ្លោះគ្នាមិនមើលភ្លើងស្តុប ជ្រុលទៅបុករថយន្តបណ្តាលឲ្យរងរបួសធ្ងន់២នាក់

ភ្នំពេញ: ប្តីប្រពន្ធមួយគូ ជិះម៉ូតូឈ្លោះប្រកែកគ្នានៅតាមដងផ្លូវ ខ្វះការប្រុងប្រយ័ត្នជ្រុលចង្កូតទៅបុករថយន្តពេញទំហឹងបណ្តាលឲ្យដួលបោកនឹងថ្នល់រងរបួសធ្ងន់។

ហេតុការណ៍នេះកើតឡើងកាលពីវេលាម៉ោង១១និង២០នាទីយប់ថ្ងៃទី១០ ខែតុលា ឆ្នាំ២០១៧ ស្ថិតនៅចំណុចស្តុបផ្សារដេប៉ូ ក្នុងសង្កាត់ផ្សារប៉ូ១ ខណ្ឌទួលគោក រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញប្តីប្រពន្ធមួយគូជិះម៉ូតូមួយគ្រឿងម៉ាកVISAR ពណ៌ខ្មៅ ពាក់ស្លាកលេខ ភ្នំពេញ 1CY-2093 ជិះតាមបណ្តោយផ្លូវ១៨២ ទិសដៅពីលិចទៅកើត ឈ្លោះប្រកែកគ្នាក្នុងពេលកំពុងបើកបរដោយខ្វះការប្រុងប្រយ័ត្ននិងមិនគោរពភ្លើងស្តុបជ្រុលចង្កូតទៅបុករថយន្តមួយគ្រឿងម៉ាកទ្បិចសុីស RX-330 ពណ៌ទឹកប្រាក់ ពាក់ស្លាកលេខ ភ្នំពេញ 2AL-1413 បើកបរដោយបុរសជនជាតិចិនម្នាក់ តាមបណ្តោយផ្លូវ២១៥ ទិសដៅពីជើងទៅត្បូងពេញទំហឹង ចំទ្វារខាងមុខខាងស្តាំនិងបាក់កញ្ចក់ម្ខាងបណ្តាលឲ្យជនរងគ្រោះបោកផ្ទប់នឹងរថយន្តរងរបួសធ្ងន់ទាំង២នាក់ ត្រូវបានរថយន្តសង្គ្រោះបន្ទាន់ដឹកយកទៅយកទៅសង្គ្រោះភ្លាមៗ។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចរាចរណ៍ចុះមកវាស់វែងយករថយន្តនិងម៉ូតូទៅរក្សាទុក្ខនៅអធិការដ្ឋាននគរបាលខណ្ឌទួលគោកនឹងរង់ចាំការដោះស្រាយទៅតាមផ្លូវច្បាប់បន្តទៀត ៕

មតិយោបល់