ព័ត៌មានជាតិ

ហ៊ីយ៉ាន់ដាយ១គ្រឿង ក្រឡាប់ផ្ងារជើងច្រង៉ាង ដោយតែស្ថានភាពផ្លូវរអិល

ភ្នំពេញ: រថយន្តហ៊ីយ៉ាន់ដាយ១គ្រឿងដឹក ស្មាតបត សង្ស័យតាកុង បើកបរក្នុងល្បឿនលឿន ហើយចាប់ហ្វាំងមិនស៊ី ដោយសារតែស្ថានភាពផ្លូវរអិល ក៏បានក្រឡាប់ផ្ងាជើង សំណាងល្អមិនមានអ្នករងរបួស។

ហេតុការណ៍គ្រោះថ្នាក់ ដែលបង្កឲ្យមានការភ្ញាក់ផ្អើលនេះ កើតទ្បើងកាលពីម៉ោង៥ និង១០នាទីព្រឹកថ្ងៃទី១៣ ខែតុលា ឆ្នាំ២០១៧ តាមបណ្តោយផ្លូវណតប្រ៊ីត ភូមិអគីដេ សង្កាត់អូបែកក្អម ខណ្ឌសែនសុខ រាជធានីភ្នំពេញ។

តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញមានរថយន្ត១គ្រឿងម៉ាកហ៊ីយ៉ាន់ដាយ ពណ៌សលាយខៀវ ពាក់ស្លាកលេខភ្នំពេញ 3B6832 ដែលដាក់ថាកងដឹកជញ្ជូន (H.C) មានដឹកសម្ភារ:សំណង់ស្មាតបត បើកបរក្នុងទិសដៅពីជើងទៅត្បូង ក្នុងល្បឿនលឿនគួរសម លុះមកដល់ចំណុចកើតហេតុ ស្រាប់តែរថយន្តខាងលើរ៉េចង្កូតក្រឡាប់ផ្ងាជើងតែម្តង ប៉ុន្តែពុំមានអ្នករងរបួសនោះទេ។

រថយន្តដឹកសម្ភារ:សំណង់នេះ ចេញពីខេត្តមកភ្នំពេញ លុះមកដល់ចំណុចកើតហេតុ ដោយសារតែផ្លូវរអិលទើប អ្នកបើកបរចាប់ហ្វាំងមិនស៊ី ក៏បណ្តាលឲ្យក្រឡាប់។

ក្រោយកើតហេតុសមត្ថកិច្ចមូលដ្ឋាន បានចុះទៅពិនិត្យ ប៉ុន្តែដោយសារពុំមានអ្នករងរបួស និងមិនប៉ះពាល់ដល់អ្នកដ៏ទៃនោះ ទើបសមត្ថកិច្ចឲ្យម្ចាស់រថយន្ត ហៅរថយន្តស្ទួចយកទៅជុសជុលដោយខ្លួនឯង៕

មតិយោបល់