បាត់ដំបង: ជនសង្ស័យម្នាក់ ត្រូវបានកម្លាំងសមត្ថកិច្ចធ្វើការបង្ក្រាបនិងឃាត់ខ្លួនបាន បន្ទាប់ពីត្រួតពិនិត្យរកឃើញថ្នាំញៀន និងកាំភ្លើងខ្លីមួយដើម។

ការឃាត់ខ្លួននេះធ្វើឡើងកាលពីថ្ងៃទី១២ ខែតុលា ឆ្នាំ២០១៧ ក្នុងភូមិសាស្រ្តឃុំនរា ស្រុកសង្កែ ខេត្តបាត់ដំបង។

ប្រតិបត្តិការនេះ ធ្វើឡើងតាមបទបញ្ជារបស់ឧត្តមសេនីយ៍ទោ អ៊ុច សុខុន ស្នង ការនៃស្នង ការដ្ឋាននគរបាលខេត្តបាត់ដំបង និងដោយបានការសម្របសម្រួលលើនីតិវិធីពី លោកនួន សាន ព្រះរាជអាជ្ញាអមសាលាដំបូងខេត្តបាត់ដំបង លោកវរសេនីយ៍ឯក កុយ ហៀង ស្នងការរងទទួលផែនបានដាក់ផែន ការលម្អិតដល់មន្ត្រីក្នុងការិយាល័យជំនាញ ធ្វើការ បង្ក្រាបករណីជួញដូរគ្រឿងញៀនហាមឃាត់ ដោយខុស ច្បាប់ ឃាត់ខ្លួនបានជនសង័្សយម្នាក់ឈ្មោះ ជា សុធា ហៅ អូន ភេទប្រុស អាយុ ៣៥ ឆ្នាំ មានទីលំនៅក្នុងមូលដ្ឋានខាងលើ និងធ្វើការដកហូតបាន៖

១-ថ្នាំញៀនប្រភេទមេតំហ្វេតាមីន ម៉ាទឹកកក ICE ទម្ងន់ ៣០,៧៥ក្រាម
២-ប្រាក់រៀលចំនួន ១,៦៥០,០០០ រៀល ( មួយលានហុកសិបប្រាំម៉ឺនរៀល )
៣-ប្រាក់ដុល្លាសហរដ្ឋអាមេរិកចំនួន ៧៤០ ដុល្លារ ( ប្រាំពីររយសែសិបដុល្លារ )
៤-អាវុធខ្លីប្រើហ្កាស់បាញ់គ្រាប់គ្រប់ដែកពណខ្មៅ៌ចំនួន ១ ដើម
៥-ទូរសព្ទដៃចំនួន ១ គ្រឿង

បច្ចុប្បន្នជនសង័្សយខាងលើរួម និងវត្ថុតាងកំពុងកសាងសំណុំរឿងបញ្ជូនទៅសាលាដំបូងខេត្តបាត់ដំបង ដើម្បីចាត់ការតាមផ្លូវច្បាប់បន្តទៀត៕