ភ្នំពេញ: មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្តធន់ធំ មួយគ្រឿងម៉ាក ហ្វុយហ្សូ ពាក់ស្លាកលេខ ស្វាយរៀង 3A-1210 មានស្លាកសម្គាល់ D87 បានជ្រុលល្បឿនបុកម៉ូតូម៉ាក វ៉េវ ពណ៌ខ្មៅ ពាក់ស្លាកលេខ កំពង់ធំ 1J-6060 ដែលកំពុងបើកដោយស្ត្រីម្នាក់ ក្នុងទិសដៅ ពីជើងទៅត្បូង កំពុងបត់ឆ្លងផ្លូវ បណ្តាលឲ្យដួលខ្ទាតម៉ូតូចូលក្រោមកង់រថយន្តកិនបណ្តាលឲ្យរងការខូចខាត ចំណែកមនុស្សវិញ មិនមានរងរបួសនោះទេ។

ហេតុការណ៍នេះកើតឡើងនៅម៉ោង៩យប់ ថ្ងៃទី៨ ខែធ្នូ ឆ្នាំ២០១៧ នៅតាមបណ្តោយផ្លូវ២១៧ ក្នុងភូមិឬស្សី សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ៕