ភ្នំពេញ: ជនសង្ស័យចំនួន២នាក់ ធ្វើសកម្មភាពឆក់កាបូបពីស្រីស្អាតម្នាក់ មិនសម្រេច ត្រូវបានកម្លាំងនគរបាលព្រហ្មទណ្ឌខណ្ឌដូនពេញ ដេញចាប់បានភ្លាមៗកាលពីវេលាម៉ោង៣និង៤៥នាទីរសៀលថ្ងៃទី១១ ខែធ្នូ ឆ្នាំ២០១៧ នៅចំណុចផ្លូវលេខ៥១ កែងផ្លូវ២០៨ ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ ។
ជនសង្ស័យទាំង២នាក់ ទី១មានឈ្មោះ យ៉ យ៉ាំងថាវ ជនជាតិវៀតណាម អាយុ១៨ឆ្នាំ និងទី២ឈ្មោះ ម៉ាន់ ម៉េងហួរ អាយុ១៨ឆ្នាំ មុខរបរមិនពិតប្រាកដ។
ជនសង្ស័យទាំងនេះ បានជិះម៉ូតូម៉ាក ហុងដាសេ១២៥ ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ បាត់ដំបង 1B-7537 ធ្វើសកម្មភាពឆក់នារីរងគ្រោះ ដែលកំពុងជិះរម៉កកង់បីតាមដងផ្លូវ តែមិនសម្រេចក៏ត្រូវជនរងគ្រោះស្រែកផ្អើលប៉ូលិសធ្វើការចាប់ខ្លួនបានតែម្តង៕
មតិយោបល់