កណ្តាល: នៅថ្ងៃទី ២៣ ខែធ្នូ ឆ្នាំ២០១៧ វេលាម៉ោង៥ល្ងាច មានករណីស្ត្រីម្នាក់ អាយុ៣៨ឆ្នាំ បានចងកសម្លាប់ខ្លួន បង្កឲ្យមានការភ្ញាក់ផ្អើលយ៉ាងខ្លាំង នៅភូមិព្រែកតាឯក ឃុំត្រើយស្លា ស្រុកស្អាង ខេត្តកណ្តាល ។
មុនពេលកើតហេតុ ប្តីរបស់ជនរងគ្រោះបានទៅហូបការបាត់ ហើយចំណែក កូនតូចអាយុ៨ឆ្នាំនៅផ្ទះ ។លុះដល់ម៉ោង កើតហេតុ ស្រាប់តែកូន បានរត់ចេញពីក្នុងផ្ទះមកស្រែកហៅឲ្យអ្នកជិតខាងជួយ ថាម្តាយរបស់ខ្លួនបានចងកស្លាប់ ហើយ ពេលនោះអ្នកជិតខាងក៏ផ្អើលទៅមើលឃើញជនរងគ្រោះចងកនឹងក្រមាស្លាប់បាត់ទៅហើយ។
ក្រោយកើតហេតុសមត្ថកិច្ចជំនាញបានពិនិត្យសពជនរងគ្រោះ ពិតជាស្លាប់ដោយចងកប្រាកដមែន និងប្រគល់ឲ្យទៅប្តី យកធ្វើបុណ្យតាមប្រពៃណី។ បញ្ជាក់កន្លងមក ជនរងគ្រោះ មានជំងឺសរសៃប្រសាទ ព្យាបាលអស់រយ:ពេលយូរឆ្នាំមកហើយ៕
មតិយោបល់