ព្រះសីហនុ: មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្តមួយគ្រឿងបានក្រឡាប់ បណ្តាលឲ្យរងការខូចខាត កាលពីវេលាម៉ោង៦និង៣០នាទី ព្រឹកថ្ងៃទី២៦ ខែធ្នូ ឆ្នាំ២០១៧ នៅចំណុចជិតភ្នំ៩៦ ភូមិ៦ សង្កាត់លេខ៤(អូរ៥) ក្រុងព្រះសីហនុ ខេត្តព្រះសីហនុ។
រថយន្តដែលក្រឡាប់នេះជាប្រភេទរថយន្តម៉ាក KIA VISTO ពណ៌ខ្មៅ បានធ្លាក់ផ្លូវក្រឡាប់ផ្ងារជើងឡើងលើ ដោយមានប្រជាពលរដ្ឋបានឭសំឡេងឆ្កែព្រុស តែព្រឹកឡើងស្រាប់តែឃើញរថយន្តក្រឡាប់ដោយពុំឃើញមានមនុស្សនោះឡើយ ហើយបច្ចុប្បន្នរថយន្តខាងលើនេះ ត្រូវបានសមត្ថកិច្ចយកទៅរក្សាទុកនៅការិយាល័យនគរបាលចរាចរណ៍ផ្លូវគោក៕
មតិយោបល់