ភ្នំពេញ: យុវជនម្នាក់ កំពុងតែអង្គុយលើម៉ូតូរង់ចាំមិត្តស្រី សុខៗក៏ស្រាប់តែមានបុរស៣នាក់ទៀតដែលជាជនសង្ស័យ បានជិះមកជិតរួចហើយបានសម្លឹងមុខជនរងគ្រោះភ័យបានជិះម៉ូតូរត់ចេញ ធ្វើឲ្យជនសង្ស័យដេញតាមដកកាំភ្លើងបាញ់គំរាម ចំនួន២គ្រាប់ដោយមិនដឹងមូលហេតុ ។
ហេតុការណ៍នេះកើតឡើងកាលពីវេលាម៉ោង១០និង១០យប់ ថ្ងៃទី១០ខែមករា ឆ្នាំ២០១៨ ទល់មុខនឹងហាងភូមិគ្រិះឆ្ងាញ់ ផ្លូវ២៧៨ សង្កាត់បឹងកេងកង២ ខណ្ឌចម្ការមន រាជធានីភ្នំពេញ។
ជនរងគ្រោះមានឈ្មោះ យឹម សុខា ភេទប្រុស អាយុ ១៨ឆ្នាំ មុខរបរ និសិត្ស រស់នៅម្តុំផ្សារដើមគរ។
តាមសម្តី ជនរងគ្រោះ បានឲ្យដឹងថា មុនពេលកើតហេតុ រូបគាត់ បានជិះម៉ូតូ ស្កុបពី ពណ៌ខ្មៅ មានស្លាកលេខ ភ្នំពេញ 1CC-5666 មួយគ្រឿងបានមកឈប់ នៅផ្លូវ១៤៣កែងនិង ២៧៨ ដើម្បីរង់ចាំមិត្តភក្តិស្រី ខណ:កំពុងរង់ចាំក៏ស្រាប់តែលេចមុខជនសង្ស័យចំនួន៣នាក់ បានជិះម៉ូតូ ម៉ាកឌ្រីម១២៥ ពណ៌ខ្មៅ មិនចាំស្លាកលេខ បានជិះទៅជិត រួចហើយ ជនសង្ស័យទាំង៣នាក់នោះ បានសម្លឹងមើលមុខ រូបគាត់ដោយមិនដឹងមូលហេតុ ហើយនៅពេលនោះដែល រូបគាត់ជាជនរងគ្រោះ បានជិះម៉ូតូចេញទៅតាមផ្លូវ ២៧៨ ពីលិចទៅកើត ក៏ស្រាប់តែ ជនសង្ស័យទាំងនោះ បានជិះម៉ូតូដេញតាមរូបគាត់ ធ្វើឲ្យរូបគាត់ ភ័យ ក៏បានជិះម៉ូតូចូលទៅក្នុងហាងខាងលើ រត់ចូលទៅក្នុងហាង ជនសង្ស័យជិះហួសបន្តិចក៏ត្រឡប់មកវិញ និង បានដកកាំភ្លើង មិនស្គាល់ម៉ាក់ បាញ់គំរាមចំនួន១គ្រាប់ ហើយជិះម៉ូតូចេញទៅបាត់មួយសន្ទុះក្រោយមក ក៏ត្រប់មកវិញ បានបាញ់មួយគ្រាប់ទៀត បណ្តាលឲ្យគ្រាប់កាំភ្លើងហោះចំទ្វារផ្ទះ ប្រជាពលរដ្ឋមួយទៀត តែសំណាងល្អមិនមានគ្រោះថ្នាក់ដល់មនុស្ស ហើយភ្លាមៗនោះដែរ ជនសង្ស័យក៏បាននាំគ្នាជិះម៉ូតូរត់គេចខ្លួនបាត់ស្រមោល។
ក្រោយពេលកើតហេតុ សមត្ថកិច្ចមូលដ្ឋាន ព្រមទាំងជំនាញពាក់ពន្ធ័បានចុះទៅដល់កន្លែងកើតហេតុ បានត្រឹមតែរើសយកសំបកគ្រាប់ រួចក៏បាននាំជនរងគ្រោះយកសាកសួរនៅប៉ុស្តិ៍នគរបាលបឹងកេងកង២ ដើម្បីលម្អិតពីដំណើររឿង ថាជាករណីអ្វីឲ្យប្រាកដ ។
មតិយោបល់