ភ្នំពេញ: នៅវេលាម៉ោង៨និង៣០នាទីយប់ ថ្ងៃទី១៧ ខែមករា ឆ្នាំ២០១៨ កម្លាំងមូលដ្ឋានកងរាជអាវុធហត្ថខណ្ឌទួលគោក បានឃាត់ខ្លួនជនសង្ស័យចំនួន៤នាក់ នាំគ្នាប្រើប្រាស់គ្រឿងញៀន នៅក្នុងសាលារៀនទឹកល្អក់ ក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។
ជនសង្ស័យទី១ឈ្មោះ ជា ចិន្តា ភេទប្រុស អាយុ២២ឆ្នាំ មុខរបរនិស្សិត ទី២ឈ្មោះ រស់ ឈុនលេង ភេទប្រុស អាយុ១៨ឆ្នាំ មុខរបរសិស្ស ទី៣ឈ្មោះ លឹម សុគា ភេទប្រុស អាយុ២៤ឆ្នាំ មុខរបរនិស្សិត ៤ឈ្មោះ ចាង យាណូ ភេទប្រុស អាយុ២២ឆ្នាំ មុខរបរបុគ្គលិកខ៉ារាអូខេ ទាំង៤នាក់ស្នាក់នៅក្នុងសង្កាត់ទឹកល្អក់៣ ខណ្ឌទួលគោក រាជធានីភ្នំពេញ ទី៥ឈ្មោះ សេង ពៅ ហៅអាគក ភេទប្រុស អាយុ៣៤ឆ្នាំ មុខរបរ និងស្នាក់នៅមិនពិតប្រាកដ និងទី៦ឈ្មោះ សេង ចិត្រា ភេទប្រុស អាយុ១៤ឆ្នាំ ស្នាក់នៅមិនពិតប្រាកដ។ ចំណែកវត្ថុតាងដែលដកហូតបាន រួមមានថ្នាំញៀនមួយកញ្ចប់ និងសម្ភារ:សម្រាប់សេពគ្រឿងញៀនមួយចំនួន។
ជនសង្ស័យបានសារភាពថា គ្រឿងញៀនទាំងនេះ ពួកគេបាននាំគ្នាទិញពីចំណុចផ្លូវឌឿងហែម ជាប់លូទឹកស្អុយ(ឡធ្យូង) យកមកប្រើប្រាស់បន្ទាប់មកកម្លាំង ក៏បានសហការជាមួយការិយាល័យគ្រឿងញៀន កងរាជអាវុធហត្ថរាជធានីភ្នំពេញ ចុះទៅទីតាំងដែលខ្លួនចង្អុលបង្ហាញ និងឃាត់ខ្លួនជនសង្សយ័ចំនួន២នាក់បន្ថែមទៀតតែម្តង។
បច្ចុប្បន្ន ជនសង្ស័យនិងវត្ថុតាង ត្រូវបញ្ជូនទៅការិយាល័យគ្រឿងញៀន កងរាជអាវុធហត្ថរាជធានីភ្នំពេញ ដើម្បីចាត់ការតាមនីតិវិធីច្បាប់៕
មតិយោបល់