ភ្នំពេញ: សមត្ថកិច្ចនគរបាលប៉ុស្តិ៍ទំនប់ទឹក បានធ្វើការដេញតាមឃាត់ខ្លួនក្មេងទំនើង១១នាក់ ដែលជិះម៉ូតូ៥គ្រឿង រកឃើញដាវស៊ាំម៉ូរ៉ៃ១ដើម កាលពីវេលាម៉ោង២និង៣០នាទីយប់ឈានចូលថ្ងៃទី២២ ខែមករា ឆ្នាំ២០១៨ នៅចំណុចគល់ស្ពានអាកាសស្ទឹងមានជ័យ សង្កាត់ទំនប់ទឹក ខណ្ឌចម្ការមន រាជធានីភ្នំពេញ ។
ក្រោយការឃាត់ខ្លួនរួចមក ជនសង្ស័យ១០នាក់ក្នុងចំណោមបក្ខពួកទាំង១១នាក់ បានឆ្លើយសារភាពប្រាប់សមត្ថកិច្ចថា ពួកគេមិនដឹងថាម្នាក់ឈ្មោះ សុខ ហេង អាយុ១៥ឆ្នាំនោះ ជាអ្នកយកដាវមកជាមួយនោះទេ តែទោះបីជាយ៉ាងណាបច្ចុប្បន្នសមត្ថកិច្ចកំពុងកសាងសំណុំរឿងចាត់ការតាមច្បាប់បន្តទៀត៕
មតិយោបល់