កំពង់ឆ្នាំង: មានករណីគ្រោះថ្នាក់ចរាចរណ៍មួយបានកើតឡើង រវាងរថយន្តហ៊ីឡែនដ័រ បើកបុកម៉ូតូហុងដាឌ្រីមកំពុងបត់ឆ្លងផ្លូវពេញទំហឹង ក្នុងទិសដៅផ្ទុយគ្នា បណ្តាលឲ្យអ្នកបើកម៉ូតូស្លាប់ និងអ្នករួមដំណើររបួសធ្ងន់ត្រូវបញ្ជូនទៅកាន់មន្ទីរពេទ្យ។
ហេតុការណ៍នេះបានកើតឡើង កាលពីថ្ងៃអាទិត្យ៤រោជ ខែមេឃ ឆ្នាំរកា នព្វស័ក្ក ព.ស២៥៦១ ត្រូវនឹងថ្ងៃទី៤ ខែមករា ឆ្នាំ២០១៨ វេលាម៉ោង៥និង៣០នាទីល្ងាច ស្ថិតលើផ្លូវជាតិលេខ៤ ចន្លោះគីឡូម៉ែត្រលេខ៣៤-៣៥ ភូមិត្រពាំងសាំងជៀក ឃុំត្រពាំងគង ស្រុកសំរោងទង ខេត្តកំពង់ស្ពឺ។
ជនបង្កពុំស្គាល់អត្តសញ្ញាណនោះទេ បើករថយន្តម៉ាកហាយឡេនឌើ ពណ៌ស ពាក់ស្លាកលេខភ្នំពេញ ២AJ-8154 (រត់គេចខ្លួនបាត់)។ចំណែកជនរងគ្រោះមានឈ្មោះ មិត ប៊ីន ភេទប្រុស អាយុ២៨ឆ្នាំ មានទីលំនៅភូមិត្រពាំងរាំង ឃុំព្រៃពួច ស្រុកអង្គស្នួល ខេត្តកណ្តាល ជិះម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ២០១៣ ពាក់ស្លាកលេខភ្នំពេញ 1BZ-4887 មានឌុបគ្នាពីក្រោយម្នាក់ឈ្មោះ ស៊ិន ជីវ៉ា ភេទស្រី អាយុ២៥ឆ្នាំ(របួសធ្ងន់) មានទីលំនៅភូមិព្រៃផ្តៅ ឃុំត្រពាំងគង ស្រុកសំរោងទង ខេត្តកំពង់ស្ពឺ។
ក្រោយកើតហេតុ សមត្ថកិច្ចបាននាំយកវត្ថុតាងទាំងពីរ មករក្សារទុកនៅអធិការដ្ឋាននគរបាលស្រុកសំរោងទង ដើម្បីដោះស្រាយបន្តតាមផ្លូវច្បាប់៕
មតិយោបល់