ត្បូងឃ្មុំ: កាលពីវេលាម៉ោង៣រសៀល ថ្ងៃទី៧ ខែកុម្ភ: ឆ្នាំ២០១៨ កម្លាំងជំនាញប្រឆាំងគ្រឿងញៀន នៃអធិការដ្ឋាននគរបាលស្រុកត្បូងឃ្មុំ ដោយប្រើវិធានតាមមាត្រា៧៩ បានឃាត់ខ្លួនជនសង្ស័យ២នាក់ ពាក់ព័ននឹងករណីគ្រឿងញៀន ស្ថិតនៅចំណុចភូមិខ្លោង ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។
ជនសង្ស័យទី១ឈ្មោះ អ៊ឹម ភិន ភេទប្រុស អាយុ៣០ឆ្នាំ ជាតិខ្មែរ រស់នៅភូមិត្របុស្ស ឃុំស្រឡប់ ស្រុកត្បូង ឃ្មុំខេត្តត្បូងឃ្មុំ
ទី២ឈ្មោះ រស់ រ៉ាត់ ភេទប្រុស អាយុ២៥ឆ្នាំ ជាតិខ្មែរ រស់នៅភូមិខ្លោង ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។ ឆែកឆេរលើខ្លួនជនសង្ស័យរកឃើញ ម្សៅក្រាមពណ៌ស សង្ស័យថាថ្នាំញៀនចំនួន២កញ្ចប់។
ដោយមានការឯកភាពពីលោកឧត្តមសេនីយ៍ស្នងការ និងមានការសម្របសម្រួល ពីព្រះរាជ្ញាអមសាលាដំបូងខេត្តត្បូងឃ្មុំ កម្លាំងបានបន្តឆែកឆេរលំនៅឋានឈ្មោះ រស់ រ៉ាត់ ស្វែងរកវត្ថុតាងលទ្ធផលឆែកឆេរ រកឃើញម្សៅក្រាមពណ៌ស សង្ស័យថ្នាំញៀនចំនួន១កញ្ចប់ សរុប៣កញ្ចប់)។
លុះដល់ថ្ងៃទី៨ ខែកុម្ភ: ឆ្នាំ២០១៨ វេលាម៉ោង១និង៣០នាទីរសៀល ស្ថិតនៅចំណុចភូមិក្បាលស្នួល ឃុំស្នួល ស្រុកស្នួល ខេត្តក្រចេះ កម្លាំងផែនប្រឆាំងគ្រឿងញឿន នៃអធិការនគរបាលស្រុកត្បូងឃ្មុំ សហការជាមួយកម្លាំងនគរបាលស្រុកស្នួល ធ្វើការឃាត់ខ្លួនជនសង្ស័យចំនួន២នាក់ទៀត ទី១ឈ្មោះ គាំ ចិត្រា ភេទប្រុស អាយុ២៥ឆ្នាំ ជាតិខ្មែរ
និងទី២ឈ្មោះ ថៃ សុគន្ធា ភេទស្រី អាយុ២៧ឆ្នាំ ជាតិខ្មែរ ទាំងពីរនាក់ស្នាក់នៅផ្ទះជួលភូមិក្បាលស្នួល ឃុំស្នួល ស្រុកស្នួល ខេតក្រចេះ ឆែកឆេររកឃើញម្សៅក្រាមពណ៌ស សង្ស័យថាថ្នាំញៀនចំនួន៣៧កញ្ចប់ និងចាប់យកសម្ភារ: រួមមាន ម៉ូតូ១គ្រឿង ទូរសព្ទដៃ៣គ្រឿង គ្រឿងអលង្ការមួយចំនួន សរុប១ករណីថ្នាំញៀន៤០កញ្ចប់ មនុស្ស៤នាក់។
បច្ចុប្បន្ន ជនសង្ស័យត្រូវបានបញ្ជូនមកអធិការនគរបាលស្រុកតូ្បងឃ្មុំ កសាងសំណុំរឿងបញ្ជូនទៅអយ្យការអមសាលាដំបូងខេត្តត្បូងឃ្មុំ ចាត់ការតាមនិតិវិធីច្បាប់៕
មតិយោបល់