ឧត្តរមានជ័យ: មានករណីអគ្គីភ័យបង្កការឆាបឆេះផ្ទះ ប្រជាពលរដ្ឋចំនួន៣ផ្ទះខ្នង បណ្តាលឲ្យខូចខាតទាំងសុ្រង។
កាលពីថ្ងៃទី៩ ខែកុម្ភះ ឆ្នាំ២០១៨ វេលាម៉ោង៦និង៣០នាទីល្ងាច នៅចំណុចក្រោយ ផ្សារត្រពាំងប្រាសាទ ស្ថិតនៅ ភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។
ម្ចាស់ផ្ទះរងគ្រោះទី១មានឈ្មោះ ណោ សុខឃីម ភេទប្រុស អាយុ៧១ឆ្នាំ ឆេះមុនគេទំហំ៨គុណ១២ម៉ែត្រ ឈើលើថ្មក្រោម ជញ្ចាំងក្ដារ ដំបូលស័ង្កសី ផ្ទះទី២ឈ្មោះ ម៉ៅ គឹមសួ ភេទស្រី អាយុ៥ឆ្នាំ ទំហំ ៦គុណ១២ម៉ែត្រ ឈើលើថ្មក្រោម ជញ្ចាំងក្ដារដំបូលស័ង្កសី ក្នុងផ្ទះមានម៉ូតូ៩គ្រឿង គោយន្ត៣គ្រឿង និងទី៣ឈ្មោះ តុម ស៊ីមួន ភេទស្រី អាយុ៦០ឆ្នាំ ជាស្ត្រីមេម៉ាយ ម្ចាស់ផ្ទះទាំងបីនេះ បច្ចប្បន្នរស់នៅភូមិឃុំ កើតហេតុខាងលើ ជាផ្ទះជួល ទំហំ៥គុណ២០ម៉ែត្រ មាន៥បន្ទប់ សង់ពីឈើដំបូលស័ង្កសី។
ចំណែកសម្ភារ:ខូចខាត រួមមានផ្ទះទាំង៣ខាងលើ និងទ្រព្យសម្បត្តិមួយចំនួន ដែលនៅក្នុងផ្ទះត្រូវឆេះខូចខាតទាំងស្រុង គិតជាទឹកប្រាក់ប្រមាណជា ៧៥០០០ដុល្លា មូលហេតុក្រោយពីស្តាប់ការបំភ្លឺ របស់អ្នកជុំវិញផ្ទះកើតហេតុថា បណ្តាលមកពីទុស្សេខ្សែភ្លើង។
ករណីនេះ ក្រោយទទួលបានព័ត៏មាន កម្លាំងអធិការដ្ឋាននគរបាលស្រុក ដឹកនាំដោយ លោក វរសេនីយ៍ឯក អិន កាយ អធិការនគរបាលស្រុក បានចុះអន្តរាគមន៍ពន្លត់ ដោយប្រើប្រាស់កម្លាំង២៥នាក់ រថយន្តពន្លត់អគ្គីភ័យ១គ្រឿង រួមនឹងរថយន្តអធិការដ្ឋាននគរបាលស្រុកអន្លូងវែង១គ្រឿងទៀត ប្រើរប្រាស់ទឹកអស់៨រថយន្ត យើងពន្លត់រយ:ពេល ១ម៉ោងនិង២០នាទី ទើបគ្រប់គ្រងស្ថានភាពបានទាំងស្រុង៕
មតិយោបល់