ព្រៃវែង: លោកអធិការស្រុកពាមជរ៍ បានប្រាប់Post Newsថា មានករណីហិង្សារក្នុងគ្រួសារមួយបានកើតឡើង ដោយមានបុរសម្នាក់ បានប្រើហិង្សាទាញកាំបិតបុង័តោ កាប់ប្រពន្ធនិងឪក្មេកបណ្តាលឲ្យរបួស ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ កាលពីវេលាម៉ោង៤ និង២៤នាទីល្ងាច ថ្ងៃទី៦ ខែកុម្ភ: ឆ្នាំ២០១៨ នៅភូមិរកាដុះ ឃុំក្រាំងតាយ៉ង ស្រុកពាមជ៍រ ខេត្តព្រៃវែង។
ស្ត្រីរងគ្រោះមានឈ្មោះ ភាព រ៉ង អាយុ៣៦ឆ្នាំ ត្រូវបានជនសង្ស័យជាប្តីដែលកំពុងរត់គេចខ្លួនឈ្មោះ មានឈ្មោះ សៅ សម្ផស្ស អាយុ៣៧ឆ្នាំ កាប់នឹងកាំបិតប៉័ងតោ ចំក្បាល និងដៃបណ្ដាលឲ្យរងរបួស រួចបន្តកាប់ទៅលើឪពុកក្មេកឈ្មោះ ស៊ាន ភាព អាយុ៥៦ឆ្នាំ ដែលចូលមកឃាត់ចំចង្កេះបន្ថែមទៀត បណ្តាលឲ្យរងរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យតែម្តង។
ចំណែកមូលហេតុ ត្រូវបានសមត្ថកិច្ចបញ្ជាក់ថា បណ្តាលមកពីភ្លើងប្រច័ណ្ឌ៕
មតិយោបល់