Post News Media ព័ត៌មានជាតិ ច្រើនយ៉ាងនេះ!...

ច្រើនយ៉ាងនេះ! សមត្ថកិច្ចដកហូត ទឹកបរិសុទ្ធម៉ាកEvaនិងស្រាបៀរHeineken ហួសកាលបរិច្ឆេទលក់តាមដេប៉ូ នៅក្រុងដូនកែវ

តាកែវ: យោងតាមផេក វិទ្យុគោកធ្លក ខេត្តតាកែវ បានឲ្យដឹងថា ដើម្បីធានាបាននូវសុខមាលភាពរបស់ប្រជាពលរដ្ឋ នៅឱកាសបុណ្យចូលឆ្នាំប្រពៃណីចិន វៀតណាម នៅព្រឹកថ្ងៃច័ន្ទ ១២រោច ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ១២ ខែកុម្ភ: ឆ្នាំ២០១៨ សាខាកាំកុងត្រូលខេត្តតាកែវ ដឹកនាំដោយលោក ប៉ោ លាងគង់ ប្រធានសាខា សហការមន្ទីរពាណិជ្ជកម្មខេត្ត បានចុះធ្វើការត្រួតពិនិត្យទំនិញជាគ្រឿបកំប៉ុង និងចំណីអាហារ នៅក្នុងផ្សារអង្គតាសោម ក្នុងស្រុកត្រាំកក់ ខេត្តតាកែវ ក្នុងនោះមន្ត្រីជំនាញបានធ្វើត្តេសបឋមទៅលើគុយទាវបាញ់កាញ់ ឈាមជ្រូក ជ្រក់ សណ្តែកប្រដុះ ស្ករត្នោត មឹក និងបន្លែផ្លែឈើជាច្រើនមុខ ក្នុងនោះមន្ត្រីជំនាញបានរកឃើញសារធាតុគីមីសូដ្យូមអីដ្រូសូហ្វីតនៅក្នុងស្ករត្នោត ដោយដកហូតស្ករត្នោតចំនួន៣០គីឡូយកមកបំផ្លាញចោល។

បន្ទាប់ពីបានធ្វើការត្រួតពិនិត្យទំនិញនៅក្នុងផ្សារអង្គតាសោមរួចមក មន្ត្រីជំនាញកាំកុងត្រូល បានធ្វើការត្រួតពិនិត្យទំនិញនៅក្នុងក្រុងដូនកែវ ក្នុងនោះបានរកឃើញទឹកបរិសុទ្ធម៉ាក Eva ចំណុះ៣៥០ml ចំនួន៦០កេស ស្មើនឹង១៤៤០ដប និងស្រាបៀរ Heineken ដែលហួសកាលបរិច្ឆេទប្រើប្រាស់នៅក្នុងដេប៉ូចែកចាយតាំង ណាំថាំង យកទៅបំផ្លាញចោលផងដែរនៅឯស្នាក់ការកាំកុងត្រូល ដោយមានការចូលរួមបំផ្លាញពីលោក ប៉ាន់ ភារ: អភិបាលរងក្រុងដូនកែវ៕

Loading...