ឧត្តរមានជ័យ: ថ្ងៃអាទិត្យ ០៤ រោច ខែ ផល្គុន ឆ្នាំរកា ព.ស២៥៦១ ត្រូវនឹងថ្ងៃទី១៨ ខែកុម្ភ: ឆ្នាំ២០១៨ វេលាម៉ោង៣និង៤៥នាទីរសៀល មានករណីឃាតកម្ម កើតឡើងនៅចំណុចចម្ការដំឡូង ព្រៃបីគីឡូ ស្ថិតនៅភូមិទំនប់អភិវឌ្ឍន៍ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ។
បង្កឡើងដោយជនសង្ស័យឈ្មោះ លាវ សាមី ភេទប្រុស អាយុ៤៦ឆ្នាំ រស់នៅភូមិពាមក្នុង ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ បានយកដំបងឈើវាយទៅលើប្រពន្ធឈ្មោះ ស៊ីន ឆេន អាយុ ៤៣ ឆ្នាំ មានកូនចំនួន៥នាក់ ស្រី២នាក់ រស់នៅភូមិ-ឃុំខាងលើជាមួយគ្នា បណ្តាលឱ្យត្រូវចំផ្នែកខាងក្រោយចំនួន៣ដំបង រួចហើយយក កាំបិតខ្វែវអារដាច់កប្រវែង៨ សង់ទីម៉ែត្រ ស្លាប់នៅនឹងកន្លែងកើតហេតុ។
មូលហេតុ ជនសង្ស័យស្រវឹងស្រា ខឹងប្រពន្ធជេរស្តីបន្ទោស ។ ករណីនេះ ក្រោយកើតហេតុ លោកអធិការនគរបាលស្រុក ដឹកនាំកម្លាំងជំនាញ ចុះធ្វើការឃាត់ខ្លួនជនសង្ស័យបានភ្លាមៗនៅវេលាម៉ោង៤និង៥០ នាទីល្ងាច បច្ចុប្បន្នយើងកំពុងកសាងសំណុំរឿងចាត់ការតាមនីតិវិធីច្បាប់៕
មតិយោបល់