Post News Media ព័ត៌មានជាតិ មិនធម្មតា! ជួ...

មិនធម្មតា! ជួញដូរគ្រឿងញៀនទម្ងន់១០៨,៤០ក្រាម ដកហូតរថយន្តស៊េរីទំនើប១គ្រឿង

ព្រះវិហារ: នៅវេលាម៉ោង៩ ព្រឹក ថ្ងៃទី២១ ខែកុម្ភ: ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកជាំក្សាន្ត និងស្នាក់ការសន្តិសុខ ដឹកនាំដោយលោក វរសេនីយ៍ត្រី ពេជ្រ សុភី មេបញ្ជាការមូលដ្ឋានកងរាជអាវុធហត្ថស្រុកជាំក្សាន្ត និងដោយមានការសម្របសម្រួលនីតិវិធីពីលោក ទី សុវិនថាល់ ព្រះរាជអាជ្ញាខេត្តព្រះវិហារ កម្លាំងបានចុះបង្ក្រាបករណីរក្សាទុក ឬជួញដូរដោយខុសច្បាប់នូវសារធាតុញៀន នៅចំណុចភូមិត្រពាំងសង្កែខាងលិច ឃុំកន្ទួត ស្រុកជាំក្សាន្ត ខេត្តព្រះវិហារ ។

ដោយបានឃាត់ខ្លួនជនសង្ស័យម្នាក់ឈ្មោះ ម៉ាត់ បូរះ ភេទប្រុស អាយុ ៣០ឆ្នាំ មុខរបរមិនពិតប្រាកដ រស់នៅភូមិឃុំកើតហេតុខាងលើ។
វត្ថុតាងដកហូតរួមមាន៖
១.ម្សៅក្រាមពណ៌សថ្លា(ម៉ាទឹកកក) ចំនួន ៤១កញ្ចប់ (ធំ២៥ តូច១៦) ទម្ងន់ ១០៨,៤០ក្រាម
២.លុយរៀលចំនួន ១.០០០.០០០រៀល
៣.ជញ្ជីងថ្លឹងគ្រឿងញៀនចំនួន២គ្រឿង
៤.ទូរស័ព្ទចំនួន១គ្រឿង
៥.រថយន្តចំនួន១គ្រឿង និងសម្ភារ:វេចខ្ចប់មួយចំនួនទៀត។

បច្ចុប្បន្នជនសង្ស័យ និងវត្ថុតាងកម្លាំងជំនាញកងរាជអាវុធហត្ថបានកសាងសំណុំរឿង បញ្ជូនទៅសាលាដំបូងខេត្តព្រះវិហារ ដើម្បីចាត់ការបន្តតាមនីតិវិធី៕

Loading...