តាកែវ: អគ្គិភ័យមួយបានឆាបឆេះផ្ទះមួយខ្នងយ៉ាងសន្ធោសន្ធៅ បង្កការភ្ញាក់ផ្អើលនៅម៉ោង១និង៣០នាទី ថ្ងៃទី១៤ ខែមេសា ឆ្នាំ២០១៨ ស្ថិតនៅចំណុចភូមិស្នោរ សង្កាត់រកាក្នុង ក្រុងដូនកែវ ខេត្តតាកែវ។

សមត្ថកិច្ចបានឲ្យដឹងថា ម្ចាស់ផ្ទះមានឈ្មោះ កង សំអឿន ភេទប្រុស ស្នាក់នៅចំណុចកើតហេតុខាងលើ ហើយអគ្គិភ័យនេះ បានឆេះបំផ្លាញផ្ទះមួយខ្នង ទំហំ៨ម៉ែត្រ គុណ១២ម៉ែត្រ ក្រោមធ្វើពីបេតុង លើឈើ ប្រកក្បឿង ។ ចំណែកសម្ភារ:មិនអាចទាក់ទងពីម្ចាស់ផ្ទះបានឡើយ និងប្រើប្រាស់រថយន្តអគ្គិភ័យអស់៦គ្រឿងទើបរលត់ទៅវិញ៕