កំពង់ស្ពឺ: កាលពីល្ងាចថ្ងៃទី២០ ខែឧសភា ឆ្នាំ២០១៨ មានករណីគ្រោះថ្នាក់ចរាចរណ៍មួយ រវាងរថយន្តបែនដឹកថ្ម បុកម៉ូតូ និងកិនបណ្ដាលឲ្យស្លាប់មនុស្សម្នាក់ និងរបួសធ្ងន់ម្នាក់ ដែលហេតុការណ៍នេះ បានកើតឡើងនៅចំណុចផ្សារស្លាប់លែងភូមិខ្នារតានង់ ឃុំស្វាយអំពារ ស្រុកសេដ្ឋ ខេត្តកំពង់ស្ពឺ។
តាមសមត្ថកិច្ច បានឲ្យដឹងថា នៅមុនពេលកើតហេតុ គេឃើញយុវជនម្នាក់ឈ្មោះ មោគ ឡាយលី អាយុ២២ឆ្នាំ រស់នៅភូមិព្រះម្លប់ ឃុំភារីមានជ័យ ស្រុកបសេដ្ឋ បានជិះម៉ូតូមួយគ្រឿងម៉ាក់ហុងដាសេ១២៥ ស៊េរី២០១៨ ពណ៌ខ្មៅ គ្មានស្លាកលេខ បើកពីកើតទៅលិចមកដល់ចំណុចកើតហេតុ បានបើកវ៉ាម៉ួតូមួយគ្រឿងទៀតម៉ាកស៊ុយសូគីនិច ពណ៌ផ្កាឈូក ពាក់ស្លាក់លេខភ្នំពេញ1GC2280 បើកបរដោយឈ្មោះ ហម វាសនាអាយុ២២ឆ្នាំរស់នៅភូមិជើង ភ្នំឃុំកក់ ស្រុកបសេដ្ឋ បានប៉ះដៃចង្កូតគ្នា រួចក៏ដួលចូលរថយន្តបែន ដែលបើកបរស្របគ្នាកិនស្លាប់អ្នកជិះហុងដានៅនិងកន្លែង និងម្នាក់ទៀតរងបួសធ្ងន់។
ក្រោយពីកើតហេតុតាកុងរថយន្ត បានចុះរត់គេចខ្លួនបាត់ ភ្លាមៗផងដែរ មន្ត្រីនគរបាលជំនាញ បានចុះមកដល់ និងហៅរថយន្តសារមុយដឹងអ្នករបួសទៅសង្គ្រោះនៅមន្ទីពេទ្យបង្អែកខេត្តកំពង់ស្ពឺ ហើយវត្ថុតាងរថយន្ត និងម៉ូតូទាំងពីរគ្រឿង បានយកទៅរក្សាទុកនៅធិការដ្ឋាននគរបាលស្រុកបសេដ្ឋ ដើម្បីរង់ចាំការដោះស្រាយតាមនីតិវិធី។
បច្ចុប្បន្នសព ត្រូវបានប្រគល់ជូនក្រុមគ្រួសារយកទៅធ្វើបុណតាមប្រពៃណី៕
មតិយោបល់