ពោធិ៍សាត់: លោកវរសេនីយ៍ទោ ធាង ឡេង អធិការនគរបាលស្រុកវាលវែង បានប្រាប់ Post News កាលពីវេលាម៉ោង៨និង៥នាទីព្រឹក ថ្ងៃទី២៨ ខែឧសភា ឆ្នាំ២០១៨ កម្លាំងប៉ុស្តិ៍ក្រពើពីរ បានសហការ ជាមួយកម្លាំងប្រជាការពារ ឃាត់ខ្លួនបានជនសង្ស័យម្នាក់ នៅចំណុចក្រសាំងភ្នៅ ភូមិសំឡាញ ឃុំក្រពើពីរ ។
ជនសង្ស័យឈ្មោះ ម៉ៅ តាក់ ភេទប្រុស អាយុ ២៣ ឆ្នាំ ស្រុកកំណើតនៅភូមិបោះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង ស្នាក់នៅចំណុចខាងលើ ពីបទឆក់បោក កាលពីថ្ងៃទី ១១ ខែឧសភា ឆ្នាំ២០១៨ នៅភូមិអូរពងមាន់ ឃុំតាគ្រៀម ស្រុកបាណន់ ខេត្តបាត់ដំបង ដីការចាប់ខ្លួនលេខ ២៣៩៥ ត.ព្រ ចុះថ្ងៃទី ២៤ ខែឧសភា ឆ្នាំ២០១៨ របស់ចៅក្រមស៊ើបសួរ ខេត្តបាត់ដំបង រ័ត្ន ស៊ីថា ។
បច្ចុប្បន្នជនជនសង្ស័យបានឃាត់ខ្លួននៅអធិការដ្ឋាននគរបាលស្រុកវាលវែង ៕
មតិយោបល់