Post News Media ព័ត៌មានជាតិ ទីបំផុតស្ត្រី...

ទីបំផុតស្ត្រីជនជាតិចិន វាយក្មេងស្រីដែលរស់នៅជាមួយ ត្រូវជាប់គុក បណ្តោះអាសន្ន

ភ្នំពេញ: ក្រោយសាកសួរចប់សព្វគ្រប់ ចៅក្រមស៊ើបសួរ នៃសាលាដំបូងរាជធានីភ្នំពេញ បានចេញដីកាសម្រេចឃុំខ្លួន ស្ត្រីជនជាតិចិន ដែលបានវាយ ក្មេងស្រីរស់នៅជាមួយ ជាបណ្តោះអាសន្នហើយ នៅព្រឹកថ្ងៃទី៣១ ខែឧសភា ឆ្នាំ២០១៨នេះ។

បើតាមសមត្ថកិច្ច លោកព្រះរាជអាជ្ញារង ស្រី ម៉ាកនី បានបើកការស៊ើបសួរ និងសម្រេចចោទប្រកាន់លើឈ្មោះ ម៉េង រ័ត្នពិសី ហៅ ភា ភេទស្រី អាយុ ៣៣ឆ្នាំ មុខរបរ លក់សម្លៀកបំពាក់ ស្នាក់នៅផ្ទះ លេខ ១៧អា ក្បែរផ្សារបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ពីបទ ហិង្សាដោយចេតនាមានស្ថានទម្ងន់ទោសទាក់ទងទៅនឹងជនរងគ្រោះ ប្រព្រឹត្តលើជនរងគ្រោះឈ្មោះ ជា ស្រីនូ ហៅ ស្រី ពៅ ភេទស្រី អាយុ ១៦ឆ្នាំ មានស្រុកកំណើត ភូមិទំនប់ថ្មី ស្រុកអន្លង់វែង ខេត្តឧត្តរមានជ័យ មករស់នៅ ស៊ីឈ្នួល ក្នុងផ្ទះជាមួយ យោងតាមមាត្រា ២១៩ នៃក្រមព្រហ្មទណ្ឌ។

យោងតាមមាត្រាខាងលើនេះ ជនត្រូវចោទ អាចប្រឈមការផ្តន្ទាទោសដាក់ពន្ធនាគារ ពី ២ឆ្នាំ ទៅ៥ឆ្នាំ។

សូមជម្រាបជូនថា សមត្ថកិច្ចបានឃាត់ខ្លួនជនសង្ស័យ កាលពីល្ងាចថ្ងៃទី២៧ ខែឧសភា ឆ្នាំ២០១៨ នៅផ្ទះរបស់ជនសង្ស័យ ក្រោយពីមានការបែកធ្លាយ ព័ត៌មានថា ស្ត្រីសង្ស័យ បានប្រើអំពើហិង្សាលើក្មេងស្រីរងគ្រោះ របួសជាច្រើនកន្លែង អស់រយ:ពេល ៤ឆ្នាំមកហើយ៕

Loading...