ព័ត៌មានជាតិ

រន្ធត់ណាស់! ក្មេងស្រីម្នាក់ ស្លាប់បាត់បង់ជីវិត ដោយសារអួលបាយកក!

ពោធិ៍សាត់: ករណីភ្ញាក់ផ្អើលមួយ បានកើតទ្បើងបន្ទាប់ពីកុមារីម្នាក់ បានស្លាប់បាត់បង់ជីវិត ដោយសារអួលបាយកកក កាលពីវេលាម៉ោង ២និង១៥នាទីរសៀលថ្ងៃទី១០ ខែកក្កដា ឆ្នាំ២០១៨ ភូមិកម្រ៉ែង ឃុំស្វាយស ស្រុកក្រគរ ខេត្តពោធិ៍សាត់។

ក្មេងស្រីរងគ្រោះឈ្មោះ ឌីន ធីតា ​ភេទស្រី អាយុ១១ឆ្នាំ ជនជាតិខ្មែរ រស់នៅភូមិ-ឃុំកើតហេតុខាងលើ។​

តាមសមត្ថកិច្ច បានឲ្យដឹងថា មុនពេលកើតហេតុ ក្មេងស្រីរងគ្រោះ បានដួសបាយកកមួយចាន យកទៅហូប នៅមុខផ្ទះ ដោយកំពុងហូបសុខៗ ស្រាប់តែអួលបាយ ភ្លាមៗកុមាររងគ្រោះ ក៏រត់ទៅឲ្យម្តាយមីងជួយរឹតខ្នង តែដោយក្រុមគ្រួសារឃើញសភាពក្មេងស្រីមិនស្រួល ទើបបញ្ជូនទៅមណ្ឌលសុខភាព តែជាអកុសលខាងគ្រូពេទ្យ បានបញ្ជាក់ថា នាងបានដាច់ខ្យល់ស្លាប់បាត់ទៅហើយ។

ក្រោយទទួលបានដំណឹងភ្លាមៗ សមត្ថកិច្ចធ្វើការពិនិត្យយ៉ាងល្អិតល្អន់ រួចក៏បានប្រគល់សពជូនក្រុមគ្រួសារ យកទៅធ្វើបុណ្យតាមប្រពៃណី៕

មតិយោបល់