កំពងស្ពឺ: នៅថ្ងៃទី១៧ ខែសីហា ឆ្នាំ២០១៨ ជំនាញនគរបាលចរាចរណ៍ខេត្ត បានចុះដាក់គោលដៅត្រួតពិនិត្យ ពង្រឹងការអនុវត្តច្បាប់ចរាចរណ៍ផ្លូវគោកនៅតាមបណ្ដាគោលដៅមួយចំនួន នៅលើផ្លូវជាតិលេខ ៤ ក្រោយការដាក់ចេញផែនការនៃការរឹតបណ្ដឹងច្បាប់ចរាចរណ៍ ជាជំហានៗ ពិនិត្យឃើញថា រថយន្តមួយចំនួនធំ ទោចក្រយានយន្ដ និងអ្នកប្រើប្រាស់ ផ្លូវថ្នល់ភាគច្រើនពួកគាត់មានការ យល់ដឹងច្រើននិងបានចូលរួមអនុវត្ដ ប៉ុន្តែនៅមានអ្នកបើកបរ មួយចំនួនតូចនៅមិនទាន់បានគោរពប្រតិបត្ដិតាមច្បាប់នៅឡើយ។
តាមបញ្ជាក់ឲ្យដឹងពី លោកវរសេនីយ៍ឯកស៊ិន សុវណ្ណធី នាយការិយាល័យចរាចរណ៍ផ្លូវគោក ជាក់ស្ដែង គ្រោះថ្នាក់ចរាចរណ៍នៅតែកើតមានស្ទើរាល់ថ្ងៃនិងបានបំផ្លាញទ្រព្យសម្បត្ដិ អាយុជីវិតមនុស្សរាប់សិបនាក់ ក្នុងមួយថៃ្ងៗ មួយខែៗ ដូច្នេះដើម្បីកាត់បន្ថយបាន បញ្ហាខាងលើ សូមបងប្អូនទាំងអស់ចូលរួម ចែករំលែកនូវចំណេះដឹង និងអប់រំដល់សមាជិកគ្រួសារ និងបុគ្គលិកបើកបរ របស់ខ្លួនឲ្យគោរពច្បាប់ និងចេះអាធ្យាស្រ័យ ដល់អ្នកបើកបរដូចគ្នា ពិនិត្យលក្ខណ:បច្ចេកទេសយានយន្ត មុនធ្វើដំណើរផ្លូវជិត - ឆ្ងាយ «គោរពសិទ្ធិអាទិភាពអ្នកដទៃ ដូចរក្សាជីវិតខ្លួនឯង»៕
មតិយោបល់