ព្រះសីហនុ: មានករណីគ្រោះថ្នាក់ចរាចរណ៍មួយបានកើតឡើង រវាងរថយន្តនិងម៉ូតូ បណ្តាលឲ្យបុរសម្នាក់រហរបួសធ្ងន់ បាក់ជើងម្ខាង។
ហេតុការណ៍នេះកើតឡើងកាលពីវេលាម៉ោង៤និង៣៥នាទី ថ្ងៃទី៣០ ខែសីហា ឆ្នាំ២០១៨ ចន្លោះគីឡូម៉ែត្រ១២៥-១២៦ ក្នុងភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ។
ករណីនេះកើតឡើងរវាងថយន្តកុងតឺន័រ ម៉ាកហ៊ីណូ ស្លាកលេខ កំពង់ស្ពឺ 3A-1238 ពណ៌សឆ្នូតបៃតង បានបុកជាមួយម៉ូតូម៉ាកវេវអាល់ហ្វា ពណ៌ខ្មៅ ស្លាកលេខព្រះសីហនុ 1E-2686 បើកបរដោយឈ្មោះ មាស ញើញ ភេទប្រុស អាយុ៤៩ឆ្នាំ មុខរបរយោធា អង្គភាពវរ:សេនាតូច៣១៤ បញ្ជាការដ្ឋានការពារកោះឆ្នេរ មានទីលំនៅភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុ រងរបួសធ្ងន់បាក់ជើងខាងស្តាំ ត្រូវបានកម្លាំងកងរាជអាវុធហត្ថជួយសង្រ្គោះយកទៅមន្ទីរពេទ្យ៕
មតិយោបល់