ប៉ៃលិន: កាលពីវេលាម៉ោង២រសៀល ថ្ងៃទី២ ខែកញ្ញា ឆ្នាំ២០១៨ មានករណីអំពើហិង្សាក្នុងគ្រួសារមួយកើតឡើង ស្ថិតក្នុងភូមិទួលខ្ពស់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
សមត្ថកិច្ចបានឲ្យដឹងថា ជនបង្កឈ្មោះ គឹម មិថុនា ភេទប្រុស អាយុ២៩ឆ្នាំ។ ចំណែកជនរងគ្រោះឈ្មោះ សុទ្ធ ញី ភេទស្រី អាយុ៦៧ឆ្នាំ ត្រូវជាម្ដាយ មុខរបរកសិករ អ្នកទាំង២រស់នៅភូមិឃុំកើតហេតុខាងលើ។
ក្នុងករណីនេះបណ្ដាលឲ្យខូចខាតសម្ភារ:មួយចំនួនដូចជាទូកញ្ចក់ចំនួន២ ទ្វារបន្ទប់១ និងដកហូតពូថៅបាន ១ ដែលជនបង្កប្រើក្នុងករណីខាងលើ។
បច្ចុប្បន្នជនសង្ស័យនិងវត្ថុតាង កំពុងត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលស្រុកសាលាក្រៅ ដើម្បីចាត់ការតាមនីតិវិធីច្បាប់បន្តទៀត៕
មតិយោបល់