រតនគិរី: កាលពីវេលាម៉ោង៦ល្ងាច ថ្ងៃទី០៣ ខែកញ្ញា ឆ្នាំ២០១៨ កម្លាំងជំនាញចុះបង្រ្កាបករណីជួញដូរនិងប្រើប្រាស់ដោយខុសច្បាប់នូវសារធាតុញៀន នៅបន្ទប់ខារ៉ាអូខេរ៉ូម នៅភូមិជ័យជម្នះ សង្កាត់ឡាបានសៀក ក្រុងបានលុង ខេត្តរតនគិរី ឃាត់ខ្លួនជនសង្ស័យ៨នាក់ ក្នុងនោះស្រី២នាក់។
ក្នុងនោះដកហូតបានវត្ថុតាងរួមមាន៖ ម្សៅក្រាមសថ្លាសង្ស័យសារធាតុញៀន៤កញ្ចប់ទម្ងន់ ៥,៧៦ក្រាម, ទូរស័ព្ទ៤គ្រឿង ,ថង់សម្រាប់ច្រកថ្នាំ និងសម្ភារ:មួយចំនួន។
បច្ចុប្បន្នជនសង្ស័យរួមទាំងវត្ថុតាង បានឃាត់និងរក្សាទុកបណ្ដោះអាសន្ននៅការិយាល័យជំនាញ ដើម្បីបន្តកសាងសំណុំរឿងបញ្ជូនទៅអយ្យកាអមសាលាដំបូងខេត្ត៕
មតិយោបល់