ភ្នំពេញ: លោកអធិការរងខណ្ឌពោធិ៍សែនជ័យ បន្ទាប់ពីបំពេញពីការងារបានត្រឡប់ទៅផ្ទះវិញ ត្រូវជួបគ្រោះថ្នាក់ចរាចរណ៍ដោយរថយន្តមួយគ្រឿងបើកឆ្លងផ្លូវមិនបានមើលឆ្វេងស្តាំហើយគាត់ ជាន់ហ្វ្រាំងមិនជាប់បុកពេញទំហឹងនិងបណ្តាលឲ្យរងរបួសបាក់ជើងម្ខាងនឹងបែកប្រអប់មាត់ រងរបួសយ៉ាងធ្ងន់ធ្ងរ កាលវេលម៉ោង៥នឹង២០នាទី ថ្ងៃទី ៧ ខែកញ្ញា ឆ្នាំ២០១៨ តាមបណ្ដោយផ្លូវទំនប់កប់ស្រូវនិងនៅម្តុំផ្លូវដែក ភូមិ ចែងចែង សង្កាត់សំរោងក្រោម ខណ្ឌពោធិ៍សែនជ័យរាជធានីភ្នំពេញ។
រថយន្តបង្កម៉ាក ហ៊ីយ៉ាន់ដាយ ពណ៌ខៀវ ពាក់ស្លាក ភ្នំពេញ2V-0823 បើកបរឆ្លងផ្លូវពីកើតទៅលិច។ ចំណែកជនរងគ្រោះជិះម៉ូតូសង់សេ១១០(បិច)ពណ៌ពាក់ស្លាកលេខ ព្រៃវែង1A-7090 បើកបរក្នុងទិសដៅពីត្បូងទៅជើង។
ជនរងគ្រោះត្រូវជាអធិការងខណ្ឌពោធិ៍សែនជ័យ មានឈ្មោះ ពាន សុខុមអាយុជាង៥០ឆ្នាំ រស់នៅសង្កាត់ត្រពាំងក្រសាំង ខណ្ឌពោធិ៍សែនជ័យរាជធានីភ្នំពេញ។
តាមប្រភពព័ត៌មានពី ជនរងគ្រោះជាអធិការងនគរបាលខណ្ឌសែនជ័យ បានឲ្យដឹងថា នៅមុនពេលកើតហេតុរូបគាត់ពេលបញ្ចប់ការងារ បានធ្វើដំណើរចេញពី អធិការខណ្ឌ ទៅផ្ទះវិញត្រូវរថយន្តមួយគ្រឿងបានបើកឆ្លងផ្លូវ មិនបានប្រយ័ត្នមើលឆ្វេងមើលស្តាំត្រូវបានរូបគាត់ ជាន់ហ្វ្រាំងមិនជាប់បុកពេញចំពាក់កណ្តាលរថយន្ត បណ្តាលឲ្យរងរបួសបាក់ជើងខាងស្ដាំនិងបែកប្រអប់ មាត់ រងរបួសយ៉ាងធ្ងន់ធ្ងរ។
ប្រភពព័ត៌មានពីប្រជាពលរដ្ឋនៅកន្លែងកើតហេតុ បានបន្តទៀតថាខណ:ដែលគ្រោះថ្នាក់ភ្លាមៗ ជនរងគ្រោះត្រូវបាន ប្រជាពលរដ្ឋនៅក្បែរកន្លែងកើតហេតុបានជួយលើកជនរងគ្រោះចេញពី រថយន្ដដើម្បីសង្គ្រោះបឋម ហើយជនរងគ្រោះដែលជាអធិការរងខាងលើ បានសំពះអគុណបងប្អូនប្រជាពលរដ្ឋដែលជួយសង្រ្គោះផងដែរ ដោយប្រជាពលរដ្ឋមិនដឹងថា ជនរងគ្រោះជាលោកអធិការរងខណ្ឌពោធិ៍សែនជ័យផងដែរ។
បន្ទាប់មកជនរងគ្រោះ ត្រូវបានសាមុយឯកជន សម្ភពសុធារិទ្ធបែកចានបានដឹកយកទៅសង្គ្រោះភ្លាមៗផងដែរតែដោយជនរងគ្រោះរងរបួសធ្ងន់ធ្ងរពេក មន្ទីរពេទ្យខាងលើ មិនមាន សមត្ថភាពព្យាបាល ហើយបាន បញ្ជូនជនរងគ្រោះទៅ មន្ទីរពេទ្យព្រះកុសុម:ដើម្បីព្យាបាលបន្ត។ ចំណែកតៃកុងរថយន្តខាងលើត្រូវបានប្រជាពលរដ្ឋឃាត់ខ្លួននិងប្រគល់សមត្ថកិច្ចនគរបាលប៉ុស្តិ៍សំរោងក្រោម យកទៅឃុំភ្លាមៗផងដែរ។
ក្រោយពេលកើតហេតុជំនាញចរាចរណ៍ខណ្ឌពោធិ៍សែនជ័យបានទៅដល់កន្លែងកើតហេតុហើយបានប្រគល់ឲ្យជំនាញចរាចរណ៍ផ្លូវគោករាជធានីភ្នំពេញធ្វើការវាស់វែងយកម៉ូតូនឹងរថយន្ដបង្កខាងលើព្រមទាំងអ្នកបើកបរយកទៅជំនាញផ្នែកចរាចរណ៍រាជធានីភ្នំពេញរង់ចាំការដោះស្រាយ៕
មតិយោបល់