ភ្នំពេញ: យោងតាមផេក អគ្គនាយកដ្ឋានកាំកុងត្រូលបានឲ្យដឹងថា នៅថ្ងៃទី១១ ខែតុលា ឆ្នាំ២០១៨ មន្រ្តីសាខាកាំកុងត្រូលផែស្ងួត-ចុងទី ភ្នំពេញ និងសាខាកំពង់ផែអន្តរជាតិភ្នំពេញ បានសហការចុះត្រួតពិនិត្យសិប្បកម្មកែច្នៃស្ករត្នោតពីស្ករស ពុំមានច្បាប់អនុញ្ញាត ដែលមានទីតាំងស្ថិតនៅសង្កាត់ច្បារអំពៅ ១ ខណ្ឌច្បារអំពៅ រាជធានីភ្នំពេញ ។
ក្រោយត្រួតពិនិត្យ សមត្ថកិច្ច ចម្រុះបានសម្រេចដកហូតស្ករត្នោតកែច្នៃរួច និងពុំទាន់កែច្នៃចំនួន ៣៩៧ ធុង ស្មើនឹង ៣៨,២៥០គីឡូក្រាម, ស្ករសចំនួន ៥៣បាវ ស្មើនឹង ២,៥៦០ គីឡូក្រាម និងសំបកបាវចំនួន ១៤៥បាវ ដើម្បីយកមករក្សាទុកដើម្បីអនុវត្តនីតិវិធីបន្ត៕
មតិយោបល់