កំពង់ឆ្នាំង: យោងតាមផេកហ្វេសប៊ុករបស់អគ្គនាយដ្ឋានកាំកុងត្រូល បានឲ្យដឹងថា កាលពីថ្ងៃទី២២ ខែតុលា ឆ្នាំ២០១៨
មន្រ្តីសាខាកាំកុងត្រូលខេត្តកំពង់ឆ្នាំង សហការជាមួយមន្រ្តីមន្ទីរពាណិជ្ជកម្មខេត្ត និងអាជ្ញាធរដែនដី បានចុះត្រួតពិនិត្យទំនិញនៅផ្សារលើ និងផ្ទះលក់ដូរនៅជុំវិញផ្សារ ស្ថិតក្នុងសង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ដោយបាន ៖
- ធ្វើតេស្តបឋមលើបន្លែសាឡាត់, ខាត់ណា, មឹក, បង្គា (លទ្ធផលគឺពុំមានវត្តមានសារធាតុ
គីមីហាមឃាត់លើផលិតផលទាំងនោះឡើយ) ។
- ត្រួតពិនិត្យស្លាកសញ្ញាលើសំបកវេចខ្ចប់ ហើយបានរកឃើញ និងដកហូតទំនិញ
ហួសកាលបរិច្ឆេទប្រើប្រាស់ ចំនួន
១,៧០១ គីឡូក្រាម មករក្សាទុកដើម្បី
ធ្វើការដុតកម្ទេចចោល ។
– បានណែនាំ និងបិទផ្ទាំងរូបភាព (Poster) ដើម្បីឲ្យបងប្អូន អាជីវករ និងប្រជាពលរដ្ឋ យល់ដឹងពីផលប៉ះពាល់ដល់សុខភាព ដែលបណ្តាលមកពីការបរិភោគម្ហូបអាហារ ដែលមិនមានអនាម័យ មានជាតិពុល និងរៀបជ្រើសរើសផលិតផលម្ហូបអាហារដែលមានសុវត្ថិភាពមកបរិភោគ ។
ក្នុងថ្ងៃដដែលនោះដែរ មន្ត្រីជំនាញ បានចុះឃ្លាំពិនិត្យតម្លៃលក់រាយប្រេងឥន្ធន: នៅតាមបណ្តាស្ថានីយ និងដេប៉ូចែកចាយក្នុងខេត្ត ដោយពិនិត្យឃើញថា បណ្តាស្ថានីយ និងដេប៉ូទាំងនោះ ដាក់លក់ប្រេងមានតម្លៃសមស្របតាមតម្លៃ ដែលក្រសួងពាណិជ្ជកម្មបានកំណត់៕
មតិយោបល់