Post News Media ព័ត៌មានជាតិ Update៖ បែកគ្...

Update៖ បែកគ្នា៣ខែដោយសារឪពុកម្តាយខាងប្រុសមិនពេញចិត្ត ឃើញខាងស្រីជិះម៉ូតូឌុបគ្នាជាមួយសង្សារថ្មីហៅឈប់ហើយឌុបមកលោតទឹកសម្លាប់ខ្លួន!

ភ្នំពេញ: គូសង្សារមួយគូបានស្មោះស្ម័គ្រស្រឡាញ់គ្នាអស់រយ:ពេលជាង៣ឆ្នាំ ខណ:ឪពុកម្តាយខាងប្រុសមិនពេញចិត្តក៏បានឈ្លោះគ្នាហើយបែកបាក់គ្នាបាន៣ខែខាងប្រុស ឃើញនាងជិះម៉ូតូជាមួយសង្សារថ្មី ក៏ឃាត់ហៅមកជិះម៉ូតូជាមួយខ្លួនពេលមកដល់ស្ពានបេឡេក៏ផ្តួលម៉ូតូចោលហើយលោតទឹកសម្លាប់ខ្លួនតែម្តង ដោយបន្សល់នារីជាសង្សារនៅលើស្ពានម្នាក់ឯង ។

ហេតុការណ៍នេះមានការភ្ញាក់ផ្អើលឡើងកាលពីវេលាម៉ោង១៤នឹង០០នាទី ថ្ងៃទី ២៣ ខែតុលា ឆ្នាំ២០១៨ នៅចំណុចលើស្ពានបេឡេ ស្ថិតក្នុងភូមិមិត្តភាពសង្កាត់​ឫស្សីកែវ ខណ្ឌឫស្សីកែវ​។

ជនរងគ្រោះ ត្រូវបានគេស្គាល់ឈ្មោះ សាំង សុរាជ ភេទប្រុស អាយុ២១ឆ្នាំ រស់នៅម្តុំជិតវត្តសន្សំកុសល សង្កាត់បឹងទំពន់ទី១ ខណ្ឌមានជ័យ។ ចំណែកនារីជាសង្សារ មានឈ្មោះ អ៊ា ឆៃលី អាយុ១៩ឆ្នាំ ជានិស្សិតគណនីវ៉ាន់ដាឆ្នាំទី១ រស់នៅសង្កាត់បឹងទំពន់ទី២ ខណ្ឌមានជ័យ​។
​បើតាមនារីជាសង្សារ​ចាស់ឲ្យដឹងថា យុវជនរងគ្រោះនិងនាងបានស្រលាញ់គ្នាក្នុងនាមជាសង្សាររយ:ពេលជាង៣ឆ្នាំមកហើយ រឿងនេះក៏បានដឹងដល់ឪពុកម្តាយទាំងសងខាង ប៉ុន្តែឪពុកម្តាយខាងប្រុសមិនពេញចិត្តនាងទេ ។ ក្រោយមកយើងទាំង២នាក់ក៏បានឈ្លោះគ្នាបែកបាក់រហូតរយ:ពេលជាង៣ខែមកហើយ ៗនាងក៏មានសង្សារថ្មីទៀតដែរ ។
​នារីវ័យក្មេងខាងលើបន្តថា មុនពេលកើតហេតុខ្លួន បានជិះម៉ូតូជាមួយសង្សារថ្មីនោះនៅម្តុំតំបន់អភិវឌ្ឍជ្រោយចង្វារ ខណ្ឌជ្រោយចង្វារ ខណ:កំពុងជិះម៉ូតូឌុបគ្នាក៏លេចមុខយុវជនជាសង្សារចាស់ដែលបានបែកគ្នារយ:៣ខែមកហើយ ។ នារីវ័យក្មេងខាងលើបន្តទៀតថា ខណ:ជួបគ្នាជនរងគ្រោះក៏ឃាត់នាងឱ្យឈប់ហើយហៅនាងឱ្យមកជិះម៉ូតូជាមួយគេវិញ ។ ដោយសារនាងមិនចង់ឱ្យមានរឿងវែងឆ្ងាយ នាងក៏ឡើងជិះម៉ូតូជាមួយគេ (យុវជនរងគ្រោះ) ខណ:ជិះម៉ូតូឌុបគ្នាមកដល់លើស្ពានបេឡេ គេក៏ផ្តួលម៉ូតូហើយឡើងលើបង្កាន់ដៃស្ពានលោតទៅទិសខាងជើងសម្លាប់ខ្លួនលិចបាត់ទៅក្នុងទឹកតែម្តង ខណ:នាងឃាត់ក៏ឃាត់មិនទាន់ដោយបន្សល់ទុកម៉ូតូមួយគ្រឿងនៅលើស្ពាន ។

ក្រោយពេលកើតហេតុសមត្ថកិច្ចបាននាំខ្លួននារីខាងលើនេះមកធ្វើការសួរនាំនៅប៉ុស្តិ៍នគរបាលឫស្សីកែវ ដើម្បីចង់ដឹង ពីមូលហេតុ ។
​ ក្រោយពីសមត្ថកិច្ចសួរនាំរួច បានទំទាក់ទងទៅក្រុមគ្រួសារ ឲ្យមករកកូនដែលលិចទឹកបាត់នោះ ៕

Loading...