កណ្តាល: មានករណីគ្រោះថ្នាក់ចរាចរណ៍បង្កឡើងដោយរថយន្តបែនដឹកថ្មបើកបរក្នុងល្បឿនលឿនបានរេចង្កូតទៅបុកជាមួយរថយន្តតាកូម៉ា បណ្តាលឲ្យប្តីប្រពន្ធ២នាក់រងរបួសធ្ងន់ស្រាល។
ហេតុការណ៍នេះបានកើតឡើងនៅវេលាម៉ោង២រសៀល ថ្ងៃទី២៤ ខែតុលា ឆ្នាំ ២០១៨ នៅតាមបណ្តោយផ្លូវ៦០ម៉ែត្រ ស្ថិតនៅក្នុងសង្កាត់ព្រែកសំរោង ក្រុងតាខ្មៅ ខេត្តកណ្តាល។
បើតាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញមានរថយន្តតាកូម៉ា ពណ៌ស បើកបរក្នុងទិសពីផ្លូវជាតិលេខ២ឆ្ពោះទៅច្រមុះជ្រូកក្បាលថ្នល់ លុះដល់ចំណុចកើតហេតុ ស្រាប់តែមានរថយន្តហ៊ីយ៉ាន់ដាយ ដឹកថ្មមួយគ្រឿងបើកបរក្នុងល្បឿនលឿនពីផ្លូវចម្ការដូង ទៅស្ពានព្រែកហូរ ក៏បានទៅបុករថយន្តតាកូម៉ាពេញទំហឹង បណ្តាលឲ្យប្តីប្រពន្ធ២នាក់រងរបួសធ្ងន់ស្រាលតែម្តង ចំណែករថយន្តរងការខូចខាតយ៉ាងដំណំ។
ក្រោយពេលកើតហេតុ សមត្ថកិច្ចបានចុះទៅដល់កន្លែង ធ្វើការវាស់វែងនិងនាំយករថយន្តទាំង២គ្រឿងទៅរក្សាទុកនៅអធិការដ្ឋាន នគរបាលក្រុងតាខ្មៅ រង់ចាំដោះស្រាយគ្នាពេលក្រោយ៕
មតិយោបល់